زەينەتكەرلەرگە مۇگەدەكتىك توبى مەزگىلسىز بەلگىلەنەدى - مينيسترلىك

- قازاقستاندا مۇگەدەكتىك توپ 18 جاسقا تولعان ازاماتتارعا قالپىنا كەلمەيتىن اناتوميالىق كەمىستىكتەر تىزىمىنە ەنگىزىلگەن 59 نوزولوگيالىق نىسان بويىنشا مەرزىمسىز بەلگىلەنەدى. سونداي-اق ورگانيزم فۋنكسيالارىنىڭ تۇراقتى قالپىنا كەلمەيتىن وزگەرىستەر مەن بۇزىلۋلار بولعان، تولىق كولەمدە جۇرگىزىلگەن وڭالتۋ ءىس-شارالارى ءتيىمسىز، مۇگەدەكتىك توبى تۇراقتى بولعان كەزدە جانە ءبىرىنشى توپتاعى مۇگەدەكتىگى بار ادامدى كەمىندە 4 جىل، ەكىنشى توپتاعى مۇگەدەكتىگى بار ادامدى كەمىندە 5 جىل جانە ءۇشىنشى توپتاعى مۇگەدەكتىگى بار ادامدى كەمىندە 6 جىل ديناميكالىق قاداعالاعان كەزدە بەلگىلەنەدى. ودان باسقا، زەينەت جاسىنداعى ادامدارعا 16 بولجامى قولايسىز بولعان كەزدە، مۇگەدەكتىك توپ مەرزىمسىز بەلگىلەنەدى، - دەدى ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ باس ساراپشىسى جاسۇلان ۇلمەسەكوۆ.

ايتا كەتەيىك، ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بيىل مۇگەدەكتىگى بار ادامدار الەۋمەتتىك قىزمەتتەر پورتالى ارقىلى 211 مىڭنان استام قىزمەت الدى.

ەسكە سالا كەتسەك، بىلتىر 76 مىڭنان استام ادام مۇگەدەكتىككە ءوتىنىمدى ونلاين بەرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى