زەينەتاقى جۇيەسى: قازاقستان سينگاپۋر، گونكونگ جانە قىتايدى باسىپ وزدى

- Allianz كومپانياسى جاڭارتىلعان جاھاندىق زەينەتاقى ەسەبىن جاريالاپ، وندا قازاقستان 71 ەلدىڭ ىشىندە 26-ورىندى يەلەندى. بۇل 2023 -جىلعى كورسەتكىشپەن سالىستىرعاندا (34-ورىن، 75 ەلدىڭ ىشىندە) ايتارلىقتاي جاقسارۋ بولىپ تابىلادى. قازاقستان اۆستريا، يسپانيا، چيلي، سينگاپۋر، گونكونگ جانە قىتايدى باسىپ وزدى، - دەلىنگەن حابارلامادا.

Allianz زەينەتاقى يندەكسى (API) رەيتينگى زەينەتاقى جۇيەلەرىنىڭ تۇتاستىعىمەن مەن جەتكىلىكتىلىگىن ءۇش سۋب- يندەكس بويىنشا باعالايدى. قازاقستاننىڭ جالپى كورسەتكىشى - 3,5 بال:

دەموگرافيالىق وزگەرىستەر، مەملەكەتتىك قارىز جانە ءومىر ءسۇرۋ دەڭگەيى - 4,1 بال (2023 -جىلى - 3,5).
زەينەتاقى جۇيەسىنىڭ تۇراقتىلىعى - 3,6 بال (وزگەرىسسىز).
زەينەتاقى جۇيەسىنىڭ جەتكىلىكتىلىگى - 3,2 بال (2023 -جىلى - 3,3).

بارلىق ەل بويىنشا ورتاشا كورسەتكىش 3,7 بالدى قۇرادى. رەيتينگتىڭ كوشباسشىسى دانيا بولىپ قالا بەرەدى (2,3 بال)، ودان كەيىن نيدەرلاندى مەن شۆەتسيا (2,6 بال)، جاپونيا (2,7 بال)، جاڭا زەلانديا (2,8 بال)، يزرايل (3 بال).

رەيتينگتىڭ سوڭعى ورىندارىندا ماروككو، ءۇندىستان، لاوس، مالايزيا جانە شري-لانكا ورنالاسقان (4,5-5 بال ارالىعىندا). بۇل ەلدەردە زەينەتاقى جۇيەسىمەن قامتىلۋ دەڭگەيى تومەن، سەبەبى بەيرەسمي جۇمىسپەن قامتۋ جوعارى ۇلەسكە يە.

- باياندامادا حالىقتىڭ قارتايۋ ماسەلەسىنە ەرەكشە نازار اۋدارىلادى: ب ۇ ۇ بولجامىنا سايكەس، 2050 -جىلعا قاراي 65 جاستان اسقان ادامداردىڭ سانى ەكى ەسە ءوسىپ، 857 ميلليوننان 1,578 ميللياردقا جەتەدى. دەموگرافيالىق جۇكتەمە كوەففيسيەنتى 16دان 26 ادامعا دەيىن ارتادى (100 ەڭبەككە جارامدى ازاماتقا شاققاندا). حالىق قارتايۋىنىڭ ەڭ جوعارى قارقىنى گونكونگ، وڭتۇستىك كورەيا، تايۆان جانە ساۋد ارابياسىندا بايقالادى، - دەلىنگەن ب ج  ز ق حابارلاماسىندا.

ساراپشىلار زەينەتاقى جۇيەسىنىڭ تۇراقتىلىعىن قامتاماسىز ەتۋ ءۇشىن جيناقتاۋشى كومپونەنتتى دامىتۋ قاجەت ەكەنىن اتاپ وتەدى. مەملەكەتتىك ءبولۋ جانە جەكە جيناقتاۋشى جۇيەلەردى ۇيلەستىرەتىن تەڭگەرىمدى مودەل دەموگرافيالىق وزگەرىستەردىڭ اسەرىن ازايتۋعا مۇمكىندىك بەرەدى.

زەينەتاقىنىڭ ورتاشا كىرىستى الماستىرۋ كوەففيسيەنتى (ك ا ك) زەرتتەلگەن ەلدەر بويىنشا %53، ال قازاقستاندا - %41.

Allianz ەسەبى زەينەتاقى جۇيەسىن تۇراقتىلىق پەن جەتكىلىكتىلىك اراسىنداعى تەپە-تەڭدىكتى ساقتاي وتىرىپ رەفورمالاۋ، جيناقتاۋشى تەتىكتەردى دامىتۋ جانە ەڭبەك نارىقتارىن دەموگرافيالىق وزگەرىستەرگە بەيىمدەۋ قاجەتتىگىن ەرەكشە اتاپ كورسەتەدى.

ايتا كەتەلىك ب ج ز ق اقشاسى قالاي باسقارىلىپ وتىرعانى تۋرالى جازعان ەدىك.

اۆتور

نازىم بولەسوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى