زەينەتاقى جيناقتارىنىڭ 2025-جىلعا ارنالعان ەڭ تومەنگى جەتكىلىكتىلىك شەگى سول دەڭگەيدە قالادى
ق ر الەۋمەتتىك كودەكسىنە سايكەس «ب ج ز ق» ا ق جىل سايىن، كەلەسى قارجى جىلىنا ارنالعان ق ر «رەسپۋبليكالىق بيۋجەت تۋرالى» زاڭى رەسمي جاريالانعاننان كەيىن بەس جۇمىس كۇنىنەن كەشىكتىرمەي بۇقارالىق اقپارات قۇرالدارىندا، سونداي-اق، ءوزىنىڭ ينتەرنەت-رەسۋرسىندا الداعى جىلعا ەسەپتەلگەن زەينەتاقى جيناقتارىنىڭ ەڭ تومەنگى جەتكىلىكتىلىگى شەگىن (ت ج ش) ورنالاستىرۋعا مىندەتتى.
وسى تالاپتى ورىنداي وتىرىپ، ب ج ز ق 2025-جىلعا ارنالعان ت ج ش جاريالاپ، ت ج ش ولشەمدەرى 2024-جىلعى دەڭگەيدە وزگەرىسسىز قالعانىن حابارلايدى. ەستەرىڭىزگە سالا كەتەيىك، 2024-جىلى دا ت ج ش مولشەرى كوتەرىلمەگەن بولاتىن.
ت ج ش - بۇل اي سايىنعى زەينەتاقىنى ەڭ تومەنگى زەينەتاقى مولشەرىنەن تومەن ەمەس كولەمدە قامتاماسىز ەتۋ ءۇشىن قاجەتتى زەينەتاقى جيناقتارىنىڭ (مىندەتتى زەينەتاقى جارنالارى ەسەبىنەن قالىپتاستىرىلعان) ەڭ تومەنگى مولشەرى. بۇل الەۋمەتتىك-ەكونوميكالىق كورسەتكىشتەرگە، سونداي-اق، بولاشاق زەينەتاقى جارنالارىنىڭ (ەڭ تومەنگى جالاقى مولشەرىنەن) بولجامدى ەسەپتەۋلەرىنە جانە ينۆەستيتسيالىق كىرىستىلىككە سۇيەنە وتىرىپ انىقتالاتىن زەينەتاقى جيناقتارىنىڭ باعالاۋ سوماسى. باسقاشا ايتقاندا، ەڭ تومەنگى جەتكىلىكتىلىك شەگى - بۇل سالىمشىنىڭ زەينەت جاسىنا جەتكەندە ەڭ تومەنگى زەينەتاقى مولشەرىنەن كەم ەمەس زەينەتاقى تولەمدەرىن (ەڭ تومەنگى بازالىق زەينەتاقى تولەمى ەسەبىمەن) الۋى ءۇشىن شوتتا قالۋى ءتيىس ەڭ تومەنگى كورسەتكىش.
ت ج ش ەسەپتەۋ زەينەتاقى جيناقتارىنىڭ ەڭ تومەنگى جەتكىلىكتىلىك شەگىن ايقىنداۋ ادىستەمەسىنە (بۇدان ءارى - ادىستەمە) سايكەس جۇرگىزىلەدى (ق ر ۇكىمەتىنىڭ 30.06.2023 ج. 521-قاۋلىسىمەن (بۇدان ءارى – 521-قاۋلى) بەكىتىلگەن).
ادىستەمەگە سايكەس، 2025-جىلعا ارنالعان ت ج ش ەسەپتەۋ كەزىندە 2025-جىلعا ارنالعان مىنا الەۋمەتتىك-ەكونوميكالىق كورسەتكىشتەر پايدالانىلدى:
ەڭ تومەنگى جالاقى مولشەرى - 85000 تەڭگە؛
مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى - 32360 تەڭگە؛
زەينەتاقىنىڭ ەڭ تومەنگى مولشەرى - 62771 تەڭگە؛
بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيىنىڭ شاماسى - 46228 تەڭگە.
جەكەلەگەن الەۋمەتتىك-ەكونوميكالىق كورسەتكىشتەردىڭ ۇلعايۋىنا قاراماستان، ت ج ش مولشەرىنىڭ بۇرىنعى دەڭگەيدە ساقتالۋى (2024-جىلمەن سالىستىرعاندا، وزگەرىسسىز) ەڭ تومەنگى جالاقى مولشەرى جانە زەينەتاقى جيناقتارى كىرىستىلىگىنىڭ بولجامدى جىلدىق پايىزدىق مولشەرلەمەسى سياقتى ماڭىزدى ولشەمدەردىڭ وزگەرىسسىز قالۋىمەن ءىشىنارا بايلانىستى بولسا كەرەك.
