زەرتتەۋشىلەر ادام ميىن «قاتىرىپ قويۋعا» ءبىر تابان جاقىن قالدى
استانا. قازاقپارات - عالىمدار -150 گرادۋستىق تەمپەراتۋرادا ءبىر اپتا بويى ساقتالعان تىشقان ميىنىڭ جاسۋشالارىن ءساتتى ەرىتىپ، ولاردىڭ قايتا جۇمىس ىستەي الاتىنىن دالەلدەدى. بۇل تۋرالى New Scientist جۋرنالىندا جاريالانعان ماقالادا ايتىلعان.
بۇعان دەيىن مۇنداي پروتسەسس كەزىندە مۇز كريستالدارى پايدا بولىپ، جاسۋشالاردى زاقىمدايتىن. ءبىراق زەرتتەۋشىلەر جاڭا ءادىس تاۋىپ، بۇل ماسەلەنى شەشتى.
ناتيجەسىندە، ەرىتىلگەن نەيروندار قالىپتى جۇمىس ىستەي باستادى. بۇل جاڭالىق بولاشاقتا ادام ميىن ۇزاق ۋاقىتقا ساقتاۋعا نەمەسە عارىشقا ساپار كەزىندە ادامداردى «ۇيقىعا جىبەرۋگە» جول اشۋى مۇمكىن.
