Zoom-مەن ساباق وتكىزۋ كەزىندە جۇمىس سىلتەمەسىن بوتەندەرگە تاراتپاۋ كەرەك - شولپان قادىروۆا

«وكىنىشكە قاراي، 3-قىركۇيەكتە Zoom پلاتفورماسىندا وتكىزىلگەن ساباق كەزىندە بوتەن ادامدار ارالاسىپ، ادەپسىز سلايدتار كورسەتىپ، وقىتۋ پروتسەسىنە كەدەرگى جاساعان. مۇعالىم ساباققا بوتەن ادامداردىڭ ارالاسقانىن بايقاپ، جەدەل تۇردە ونلاين ساباقتى اياقتادى. وسىدان كەيىن مەكتەپ اكىمشىلىگى بالالارمەن جانە اتا-انالارمەن ونلاين كەڭەس وتكىزدى. وقۋشىلارعا چاتتار مەن پلاتفورمالاردا جۇمىس ىستەۋ كەزىندە ەتيكانى ساقتاۋ، جۇمىس سىلتەمەسىن بوتەن ادامدارعا تاراتپاۋ قاجەتتىگى تۋرالى تاربيە جۇمىسىن جۇرگىزدى. ءوز كەزەگىندە ءبىز كۇن سايىن مۇعالىمدەرمەن جۇمىس ىستەپ، IT - قۇزىرەتتىلىكتەرىن دامىتۋدامىز»، - دەدى ول ەلوردا اكىمدىگىندە وتكەن باسپا ءسوز ءماسليحاتىندا.

سونىمەن قاتار باسقارما باسشىسى بارلىق مەكتەپتەردىڭ شتاتتىق رەجيمگە كوشۋى تۋرالى شەشىمدى ق ر دەنساۋلىق ساقتاۋ مينيسترلىگى، باس مەملەكەتتىك سانيتاريا دارىگەرى شىعارعاندىعىن جەتكىزدى.

«ارينە، شەشىم، ەڭ الدىمەن، ەلدەگى ەپيدەميولوگيالىق جاعدايعا بايلانىستى بولادى. ءبىز ءوز كەزەگىندە بالالاردىڭ ۇزدىكسىز ءبىلىم الۋىنا بارلىق جاعدايدى جاسايمىز»، - دەدى ول. شولپان قادىروۆا ءبىلىم باسقارماسىنىڭ call-ورتالىعى 1445، 556873، 556883 ءنومىرى بويىنشا جۇمىس ىستەيتىگىن ايتتى.

«1-قىركۇيەكتەن باستاپ كولل ورتالىعىنا 1000 عا جۋىق، ال كۇنىنە 100 گە جۋىق قوڭىراۋ كەلىپ ءتۇستى. مۇندا اتا-انالار وقۋ پروتسەسىنىڭ بارلىق ماسەلەلەرى بويىنشا تولىق اقپارات الا الادى»، - دەدى باسقارما باسشىسى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى