زەلەنسكي تۇركيادا قارا تەڭىزدەگى قاۋىپسىزدىك كەلىسسوزى جۇرگىزىلەتىنىن راستادى
استانا. KAZINFORM - ۋكراينا پرەزيدەنتىنىڭ مالىمدەۋىنشە، تۇركيادا قارا تەڭىزدەگى قاۋىپسىزدىك تۋرالى كەلىسسوزگە ۋكراينا، ۇلى بريتانيا، فرانسيا جانە تۇركيا وكىلدەرى قاتىسىپ جاتىر، دەپ حابارلايدى BCC.
بۇعان دەيىن رەسەيدىڭ مەملەكەتتىك اقپارات اگەنتتىگى ر ي ا نوۆوستي دەرەككوزگە سىلتەمە جاساپ انكارادا تۇركيا اسكەري ۆەدومستۆوسىنىڭ جەتەكشىلىگىمەن قارا تەڭىزدەگى قاۋىپسىزدىك ماسەلەلەرىنە ارنالعان ەكى كۇندىك كەڭەس ءوتىپ جاتقانىن حابارلاعان.
اگەنتتىك دەرەككوزى وعان شەتەلدىك اسكەري وكىلدەر قاتىسىپ جاتقانىن، ءبىراق ولاردىڭ اراسىندا رەسەيلىكتەر جوق ەكەنىن ايتتى.
ناۋرىز ايىنىڭ سوڭىندا ساۋد ارابياسىندا وتكەن ءۇش كۇندىك تىكەلەي ەمەس كەلىسسوزدە ا ق ش رەسەي جانە ۋكراينامەن قارا تەڭىزدەگى ساۋدا كەمەلەرىنە شابۋىلدى بولدىرماۋ جانە ولاردىڭ قاۋىپسىز قاتىناسىنا كەپىلدىك بەرۋ ماسەلەلەرىن تالقىلادى.
ۋكراينا قارا تەڭىزدە ءقاۋىپسىز كەمە قاتىناسىن قامتاماسىز ەتۋگە كەلىستى، الايدا رەسەي تاعى دا قوسىمشا تالاپتار قويدى، ولاردىڭ ءبىرى روسسەلحوز بانككە قارسى سانكسيالاردى الىپ تاستاۋ بولدى.
بۇعان دەيىن انكارادا قارا تەڭىز قاۋىپسىزدىگى ماسەلەسى تالقىلاناتىنىن جازعان بولاتىنبىز.
