زەلەنسكي رەسەيمەن اسكەري تۇتقىندار الماسقانىن راستادى

- تاعى 22 وتان قورعاۋشى اۋىسۋدان تىس ءىس-شارالاردىڭ ارقاسىندا ۇيلەرىنە قايتادى. ولاردىڭ اراسىندا رەسەي ويدان شىعارىلعان قىلمىستارى ءۇشىن قۋدالاعان جاۋىنگەرلەر مەن اۋىر جاراقات العاندار بار، - دەپ جازدى زەلەنسكي.

سونىمەن قاتار، ول ورالعان اسكەري قىزمەتشىلەردىڭ قاتارىندا - قارۋلى كۇشتەردىڭ، اسكەري-تەڭىز كۇشتەرىنىڭ، ۇلتتىق گۆارديانىڭ، اۋماقتىق قورعانىس جانە شەكارا قىزمەتى كۇشتەرىنىڭ ساربازدارى، سەرجانتتارى مەن وفيتسەرلەرى بار ەكەنىن اتاپ ءوتتى. سونىمەن قوسا زەلەنسكي اسكەريلەردى ايىرباستاۋ كەزىندەگى دەلدالدىق قىزمەتى ءۇشىن بىرىككەن اراب امىرلىكتەرىنە العىس ايتتى.

بۇعان دەيىن 175 كە 175 فورمۋلاسى بويىنشا ايىرباستاۋ تۋرالى رەسەي قورعانىس مينيسترلىگى دە حابارلاعان ەدى.

ەسكە سالساق، سەيسەنبىدە رەسەي مەن ا ق ش باسشىلارى تەلەفون ارقىلى سويلەستى. تاراپتار ۋكراينادا «بارلىق ەنەرگەتيكالىق جانە ينفراقۇرىلىمدىق ماسەلەلەر بويىنشا اتىستى دەرەۋ توقتاتۋ» تۋرالى كەلىستى.

بۇل رەتتە قاسىم-جومارت توقايەۆ اقش پەن رەسەي پرەزيدەنتتەرى كەلىسسوزىنىڭ قورىتىندىسىن قۇپتايتىنىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى