زاينۋتدينوۆقا رەسمي تۇردە دياگنوز قويىلىپ، وتا جاسالدى
«بەشيكتاش» قازاقستاندىق جارتىلاي قورعاۋشى باكتيەر زاينۋتدينوۆتىڭ تۇركيا چەمپيوناتىندا «ىستانبۇل باشاكشەحيرگە» قارسى ويىندا (1:0) جاراقات العان سوڭ دەنساۋلىق جاعدايى تۋرالى مالىمدەدى. Kazinform اگەنتتىگى بۇل تۋرالى Sports.kz پورتالىنا سىلتەمە جاساپ حابارلايدى.
قازاقستان فۋتبول فەدەراتسياسى زاينۋتدينوۆتىڭ جاراقاتى جانە ونىڭ ۇلتتىق قۇراما ماتچتارىنا قاتىسۋى تۋرالى مالىمدەمە جاسادى.
«ماتچتىڭ 37- مينۋتىندا بەتى مەن مۇرنىنان سوققى الىپ، ويىندى جالعاستىرا الماعان فۋتبولشىمىز باكتيەر زاينۋتدينوۆتىڭ مۇرىن سۇيەگى مەن اڭعالاعىنىڭ نەگىزى سىنعانى انىقتالدى. زاينۋتدينوۆتىڭ مۇرنىنا وتا جاسالىپ، تاڭعىش قالاق سالىندى»، - دەلىنگەن كلۋبتىڭ رەسمي مالىمدەمەسىندە.
زاينۋتدينوۆتىڭ الاڭعا قاشان ورالاتىنى ازىرگە بەلگىسىز: ول قازاقستان قۇراماسىنا 2024 -جىلعى ەۋروپا چەمپيوناتىنىڭ ىرىكتەۋ تۋرنيرىنىڭ سان- مارينو جانە سلوۆەنيا قۇرامالارىنا قارسى شەشۋشى ماتچتارىندا ويناي المايتىن كورىنەدى.
اۆتور
زارينا تۋعانبايەۆا
