يزرايلدىڭ يەمەنگە جاساعان سوققىلارىنان 16 ب ا ق وكىلى مەرت بولدى - حۋسيتتەر
استانا. KAZINFORM - يەمەننىڭ حۋسيتتەر توبى جەكسەنبى كۇنى يزرايلدىڭ يەمەن استاناسى ساناعا سارسەنبى كۇنى جاساعان سوققىلارىنان مەرت بولعان 46 ادامنىڭ اراسىندا 26 بۇقارالىق اقپارات قۇرالىنىڭ وكىلى بولعانىن مالىمدەدى، دەپ حابارلايدى شينحۋا.
مالىمدەمەدە سوققى سالدارىنان ەكى باسىلىمنىڭ كەڭسەسى قيراعانى ايتىلعان. سونداي-اق مالىمدەمەدە ول سوققىنىڭ ب ا ق قىزمەتىن السىرەتە المايتىنى مالىمدەلدى.
حۋسيتتەردىڭ باقىلاۋىنداعى دەنساۋلىق ساقتاۋ ورگاندارى ايەلدەر مەن بالالاردى قوسا العاندا 165 ادامنىڭ جاراقات العانىن حابارلادى. حۋسيتتەر باسقاراتىن «ال-ماسيرا» تەلەارناسى قيراعان تۇرعىن ۇيلەر مەن قۇتقارۋشىلار ارشىپ جاتقان ۇيىندىلەردىڭ ۆيدەوسىن جاريالادى.
يزرايل اسكەرلەرى اسكەري لاگەرلەر مەن حۋسيتتەردىڭ قوعاممەن بايلانىس جونىندەگى شتاب-پاتەرىنە سوققى جاساعانىن جانە بۇنى توپ تاراپىنان ۇشقىشسىز ۇشاتىن اپپارتتار مەن زىمىرانداردى قولدانىپ جاساعان سوققىلارىنا جاۋاپ بولعانىن جەتكىزدى.
وتكەن اپتادا كەڭسەسى قيراعان باس كوتەرۋشىلەردىڭ اسكەري قۇرىلىمدارىنىڭ رەسمي وكىلى ياحيا ساريا يزرايل تاراپىنان جاسالعان سوققىلاردىڭ جاۋاپسىز قالمايتىنىن ايتتى.
يەمەننىڭ سولتۇستىگىنىڭ باسىم بولىگىن باقىلايتىن حۋسيتتەر يزرايلگە شابۋىلدى جالعاستىرا بەرەتىنىن جانە گازاداعى سوعىس پەن بلوكادانى توقتاتۋعا كۇش سالۋعا ۋادە ەتتى.
وسىعان دەيىن قاتار استاناسىندا جارىلىس بولعانى تۋرالى جازدىق.
سالدارىنان قاتاردىڭ ىشكى قاۋىپسىزدىك كۇشتەرىنىڭ قىزمەتكەرى قازا تاپتى.
يزرايل دوحا شابۋىلى ءۇشىن جاۋاپكەرشىلىكتى تولىق ءوز موينىنا الدى.
