يزرايلدىڭ ماقساتى گازا سەكتورىن باسىپ الۋ ەمەس - بينيامين نەتانياحۋ
بۇگىن حالىقارالىق قىلمىستىق سوتتا وڭتۇستىك افريكانىڭ يزرايل ارەكەتىن پالەستينا حالقىنا جاساعان گەنوتسيد دەپ تانۋ تۋرالى تالابى قارالادى.
وڭتۇستىك افريكا رەسپۋبليكاسىنىڭ تالابى بويىنشا سوت پروتسەسى باستالماس بۇرىن يزرايل پرەمەر-ءمينيسترى بينيامين نەتانياحۋ ءسوز سويلەدى، دەپ حابارلايدى Kazinform DW سايتىنا سىلتەمە جاساپ.
بينيامين نەتانياحۋ يزرايل گازا سەكتورىن باسىپ الۋدى نەمەسە بەيبىت تۇرعىنداردى قۋىپ شىعۋدى كوزدەمەيتىنىن ايتتى.
- يزرايل پالەستينا حالقىمەن ەمەس، حاماس سودىرلارىمەن كۇرەسىپ جاتىر جانە بۇنىڭ ءبارى حالىقارالىق قۇقىق ەرەجەلەرىنە سايكەس جاسالىپ جاتىر، - دەدى نەتانياحۋ كەشە كەشكە جاساعان مالىمدەمەسىندە.
ونىڭ ايتۋىنشا، يزرايل قورعانىس كۇشتەرى (تساحال) گازا سەكتورىنىڭ بەيبىت تۇرعىندارىنا كەلەتىن شىعىندى بارىنشا ازايتۋ ءۇشىن قولدان كەلگەننىڭ ءبارىن جاساپ جاتىر، ال حاماس ءوز كەزەگىندە بەيبىت تۇرعىنداردى ءتىرى قورعان رەتىندە پايدالانۋ ءۇشىن بارىن سالۋدا. اتاپ ايتقاندا، يزرايل اسكەريلەرى بەيبىت تۇرعىندارعا ۇرىس ايماقتارىن تاستاپ كەتۋ قاجەتتىلىگى تۋرالى ۇنەمى ەسكەرتەدى.
- ءبىزدىڭ ماقساتىمىز - گازا سەكتورىنداعى حاماس سودىرلانىڭ كوزىن قۇرتۋ جانە كەپىلگە الىنعانداردى بوساتۋ. وسىعان قول جەتكىزىلگەن كەزدە گازا سەكتورى قارۋسىزداندىرىلىپ، راديكالداردان بوساتىلادى، - دەدى يزرايل پرەمەرى.
ونىڭ ايتۋىنشا، بۇل يزرايلدىكتەر مەن پالەستينالىقتار ءۇشىن جارقىن بولاشاققا باستايتىن ارەكەت.
ەستەرىڭىزگە سالا كەتەيىك، جەلتوقسان ايىنىڭ سوڭىندا و ا ر گازا سەكتورىنداعى جاعدايعا بايلانىستى گااگاداعى حالىقارالىق سوتقا گەنوتسيد كونۆەنتسياسىنا سايكەس يزرايلگە قارسى شاعىم ءتۇسىرىپ، سوتتى يزرايلگە قارسى ۋاقىتشا شارا قولدانۋعا شاقىرعان بولاتىن.
قاراشا ايىنىڭ باسىندا و ا ر ۇكىمەتى يزرايل اسەرىنىڭ گازا سەكتورىندا جالعاسىپ جاتقان اسكەري وپەراتسياسىنا بايلانىستى كونسۋلتاتسيالارىنا سايكەس يزرايلدەن ديپلوماتتارىن قايتارۋ تۋرالى شەشىم شىعاردى.
