يزرايل سوققىسىنان گازاداعى 212 مەكتەپ قيرادى – ب ۇ ۇ

بۇعان سارسەنبىدە ب ۇ ۇ قۇرىلىمدارى مەن ونىڭ سەرىكتەستەرى جاريالاعان اناليتيكالىق ەسەپتىڭ ناتيجەسى دالەل، دەپ جازادى شينحۋا.

ب ۇ ۇ بالالار قورىنىڭ /يۋنيسەف/، Education cluster جانە Save the Children ۇيىمدارىنىڭ مالىمەتىنشە، سپۋتنيكتىك سۋرەتتەر 2023 -جىلدىڭ 7-قازانىندا قاقتىعىس باستالعاننان بەرى كەم دەگەندە 53 مەكتەپتىڭ «تولىعىمەن جويىلعانىن» كورسەتتى. سونىمەن قاتار، اقپان ايىنىڭ ورتاسىنان باستاپ مەكتەپ نىساندارىنا جاسالعان شابۋىلدار سانى 9 پايىزعا وسكەن.

بايانداما اۆتورلارى «يزرايلدىڭ اۋەدەن، قۇرلىقتان جانە تەڭىزدەن قارقىندى بومبالاۋى» سالدارىنان «مەكتەپ الاڭدارىنا شابۋىلداردىڭ جيىلەۋى» گازاداعى ونسىز دا اۋىر گۋمانيتارلىق جاعدايدى ودان سايىن كۇردەلەندىرە تۇسكەنىن اتاپ ءوتتى.

گازا سەكتورىندا بارلىعى 563 مەكتەپ عيماراتى بار. تىكەلەي زارداپ شەككەن 212 مەكتەپتىڭ 165 ءى يزرايل اسكەرى ەۆاكۋاتسيالاۋ ءۇشىن بەلگىلەگەن اۋماقتاردا ورنالاسقان. دەرەكتەر گازا سەكتورىنىڭ وڭتۇستىگىندەگى حان- يۋنيس اۋدانىندا 62، دەير ءال-بالاح اۋدانىندا - 14، گازا اۋدانىندا - 94 جانە سولتۇستىك گازا اۋماعىندا 42 مەكتەپتىڭ تىكەلەي سوققىعا ۇشىراعانىن كورسەتتى.

«گازادا التى اي بويى وقۋشىلار ءبىلىم الىپ جاتقان جوق»، - دەدى باپور سارسەنبىدە ب ۇ ۇ- نىڭ قاتىسۋىمەن دايىندالعان ەسەپ جاريالانعاننان كەيىن. ۇيىم كەلتىرگەن مالىمەتكە سۇيەنسەك، وتكەن جىلدىڭ 7-قازانىنا دەيىن مەكتەپتەردە 625 مىڭنان استام وقۋشى مەن 22 مىڭ ءمۇعالىم بولعان.

سونداي- اق باياندامادا 2023 -جىلدىڭ 7-قازانىنان بەرى 320 دان استام مەكتەپ عيماراتىن قونىس اۋدارعاندار باسپانا رەتىندە پايدالانعانى اتاپ كورسەتىلگەن. وسى نىسانداردىڭ 188 ءى تىكەلەي سوققىعا ۇشىراعان نەمەسە قيراعان.

بايانداما اۆتورلارى قاقتىعىس اياقتالعاننان كەيىن گازاداعى مەكتەپتەردىڭ كەم دەگەندە 67 پايىزى «قىزمەتىن جالعاستىرۋى ءۇشىن تولىق قايتا قۇرۋدى نەمەسە قالپىنا كەلتىرۋدى قاجەت ەتەدى» دەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى