يزرايل پرەمەر-مينيسترىنەن جەمقورلىق بويىنشا سوتتا جاۋاپ الىنادى

بۇگىن يزرايل پرەمەر- ءمينيسترى بينيامين نەتانياحۋدان جەمقورلىق بويىنشا العاش رەت جاۋاپ الىنادى. بۇل ءىس نەگىزى 4 جىل بۇرىن باستالعان. سوت تىڭداۋى بىلتىر قاراشادا ءوتۋى كەرەك ەدى، ءبىراق سوعىس سىلتاۋىمەن كەيىنگە شەگەرىلىپ كەلدى. سوت وتىرىسى تەل-اۆيۆتەگى جەراستى بولمەدە وتەدى. بۇل قاۋىپسىزدىك ءۇشىن قاجەت. يزرايل بارلاۋ قىزمەتى قازىرگى جاعدايدا نەتانياحۋعا كەز كەلگەن ۋاقىتتا قاستاندىق جاسالۋى مۇمكىن دەپ ەسكەرتكەن.

پرەمەر- مينيسترگە الاياقتىق، جەمقورلىق جانە قىزمەتىن اسىرا پايدالاندى دەگەن 3 ايىپ تاعىلىپ وتىر. نەگىزى نەتانياحۋدىڭ ادۆوكاتتارى وتىرىستى الداعى جىلدىڭ ناۋرىزىنا اۋىستىرۋدى وتىنگەن، ءبىراق سوت مۇنىمەن كەلىسكەن جوق.

بينيامين نەتانياحۋ، يزرايل پرەمەر-ءمينيسترى:

- اقپارات قۇرالدارى مەنى سوتتان قاشىپ ءجۇر دەپ جازدى. بۇل وتىرىك. بار شىندىقتى ايتۋىم ءۇشىن وسى سوت وتىرىسىن كۇتىپ جۇرگەنىمە 8 جىل بولدى. وزىمە تاعىلعان جالعان، اقىلعا قونىمسىز ايىپتاردى ءبىرجولا جويامىن. بۇل تەرگەۋلەر الدامشى دەرەكتەرگە نەگىزدەلگەن. ايىپتاۋشىلار قىلمىس قۇرامىن ىزدەدى، ءبىراق تاپپادى، سوسىن ويدان شىعاردى.

ادىلەت ەۋروكوميسسارى اقشا جىمقىردى دەگەن كۇدىككە ءىلىندى

ەۋرووداقتىڭ ادىلەت كوميسسارى ديدە رەيندەرس قىزمەتىنەن بوساعان بەتتە اقشا جىمقىردى دەگەن كۇدىككە ءىلىندى. بەلگيا پوليتسياسى ونىڭ ءۇيىن تىنتىگەن. تەرگەۋ مالىمەتى بويىنشا رەيندەرس ادىلەت مينيسترلىگىنە باعىنىشتى ۇلتتىق لوتەرەيا ۇيىمىنان بىرنەشە جىل بويى ۇتىس بيلەتتەرىن قولما-قول اقشاعا ساتىپ الىپ وتىرعان.

شەنەۋنىكتىڭ قىرۋار قارجىنى قايدان العانى بەلگىسىز. بۇعان ول تەرگەۋ ىسىندە جاۋاپ بەرۋگە ءتيىس. 2019 -جىلى رەيندەرسكە پارا الۋعا قاتىسى بار دەگەن ايىپ تاعىلعان. ەكس- كوميسسار: «ەش كىنام جوق»، - دەپ اقىرى ول ءىس توقتاتىلعان ەدى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى