يزرايل قورعانىس كۇشتەرى ليۆاننان يزرايلگە 20 زىمىران ۇشىرىلعانىن حابارلادى
استانا. KAZINFORM - يزرايل قورعانىس كۇشتەرى (س ا ح ا ل) ليۆاننان 20 عا جۋىق زىمىران ۇشىرىلعانىن تىركەدى، دەپ جازادى ت ا س س.
«يزرايلدىڭ ورتالىق بولىگىندە سيرەنا داۋىسى ەستىلگەننەن كەيىن ليۆاننان بەس زىمىران كەلگەنى انىقتالدى. زىمىرانداردىڭ كوپشىلىگى قاعىپ ءتۇسىرىلدى، ءبىر سنارياد ادام تۇرمايتىن جەرگە قۇلاعان. باتىس گاليلەيا مەن گولان بيىكتەرىندە (يزرايلدىڭ سولتۇستىگىندە) سيرەنالار ەستىلگەننەن كەيىن ليۆاننان 15 كە جۋىق زىمىران ۇشىرىلعانى انىقتالدى. ولاردىڭ كەيبىرى قاعىپ ءتۇسىرىلىپ، قالعاندارى ادام تۇرمايتىن جەرگە قۇلادى»، - دەپ حابارلايدى ارميانىڭ باسپا ءسوز قىزمەتى.
باسپا ءسوز قىزمەتى بۇگىنگە دەيىنگى شابۋىل سالدارىنان زارداپ شەككەندەر تۋرالى اقپارات تىركەلمەگەنىن اتاپ ءوتتى.
بۇعان دەيىن تەل- اۆيۆ پەن ونىڭ توڭىرەگىندە، سونداي- اق ەلدىڭ سولتۇستىگىندەگى جوعارعى گاليلەيا مەن گولان بيىكتەرىندە اۋە شابۋىلىنىڭ سيرەنالارى ىسكە قوسىلعانى حابارلانعان بولاتىن.
بۇعان دەيىن يزرايل «حەزبوللانىڭ» قارجى ۇيىمدارىنا سوققى بەرگەنىن حابارلاعان بولاتىنبىز.
