يزرايل ۇكىمەتى مەن حاماس تۇتقىنداردى بوساتۋ جونىندە كەلىسىمگە كەلدى

كەلىسىمگە سايكەس 7-قازاندا يزرايلدەن ۇستاپ اكەتىلگەن تۇتقىنداردى بوساتۋ، سوعىس ءىس- قيمىلدارىندا ءۇزىلىس جاساۋ جانە جاۋاپ رەتىندە يزرايلدىك تۇرمەلەردەن پالەستينالىقتاردىڭ ءبىر بولىگىن جىبەرۋ كوزدەلگەن.

كەلىسىمنىڭ ەگجەي- تەگجەيى:

حاماس سودىرلارى يزرايلدىك 50 تۇتقىندى - تەك ازاماتتىق تۇلعالاردى، ايەلدەر مەن بالالاردى بوساتادى؛

يزرايل گازا سەكتورىندا وق اتۋدى توقتاتادى - ول 4 كۇنگە جالعاسادى؛

يزرايل تۇرمەلەردەن پالەستينالىق 150-گە جۋىق ادامدى (سيفرلار ءالى ناقتىلانعان جوق) - ايەلدەر مەن كامەلەتكە تولماعانداردى بوساتادى؛

وق اتۋ توقتاتىلعان كۇندەرى گازاعا گۋمانيتارلىق كومەك پەن وتىن تيەلگەن جۇك كولىكتەرى كىرگىزىلەدى.

يزرايلدىڭ Haaretz باسىلىمىنىڭ جازۋىنشا، جوسپار بويىنشا اتىس توقتاتىلاتىن 4 كۇندە حاماس «كەپىلگە الىنعان 30 بالانى، 8 انانى جانە تاعى 12 ايەلدى» بوساتادى.

يزرايل اقپارات قۇرالدارىنىڭ حابارلاۋىنشا، تۇتقىنداردى بوساتۋ بەيسەنبى كۇنى باستالۋى مۇمكىن.

Times of Israel گازەتى ۇكىمەتتەگى دەرەككوزگە سىلتەمە جاساپ ءمالىم ەتكەندەي، كەلىسىم ماقۇلدانعاننان كەيىن يزرايل تۇرمەدەن شىعارىلاتىن پالەستينالىقتار تۋرالى تولىق اقپاراتتى جاريالاۋى ءتيىس.

حاماس پەن يزرايل كەلىسسوز جۇرگىزىپ جاتقانىن بۇعان دەيىن حابارلاعان بولاتىنبىز.

ايتا كەتەيىك، ساۋد ارابياسىنىڭ سىرتقى ىستەر ءمينيسترى فەيسال يبن فارحان ءال- ساۋد اراب- يسلام سامميتىن ۇيىمداستىرۋعا جاۋاپتى كوميتەت جۇمىسىن باستاعانىن ءمالىم ەتكەن ەدى. كوميتەتكە گازادا اتىستى توقتاتۋ بويىنشا ءىس- قيمىلداردى ازىرلەۋ جۇكتەلىپ وتىر. وسى ماقساتتا اراب جانە يسلام ەلدەرىنىڭ سىرتقى ىستەر مينيسترلەرى قىتايعا، كەيىن باسقا دا ەلدەرگە باراتىنى ايتىلدى.

20-قاراشادا اراب جانە يسلام ەلدەرىنىڭ س ءى م باسشىلارى قىتايعا ساپارلاپ، ق ح ر سىرتقى ىستەر ءمينيسترى ۋاڭ ي مىرزامەن پالەستينا ماسەلەسىن تەز ارادا شەشۋ جولدارىن تالقىلادى.

ال كەشە، 21-قاراشادا اراب جانە يسلام ەلدەرى سىرتقى ساياسات ۆەدومستۆولارىنىڭ باسشىلارى تاياۋ شىعىستاعى احۋالدى تالقىلاۋ ءۇشىن رەسەيگە باردى.

اۆتور

گۇلميرا الياكپاروۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى