يزرايل گازا سەكتورىنداعى 320 نىسانعا شابۋىل جاسادى

بۇل تۋرالى Kazinform اگەنتتىگى BBC- گە سىلتەمە جاساپ حابارلايدى.

تساحال X الەۋمەتتىك جەلىسىندەگى (بۇرىنعى Twitter) حابارلامادا حاماس ينفراقۇرىلىمىن، ونىڭ ىشىندە تۋننەل مەن جەدەل شتابتاردى سوققىلاعانىن مالىمدەدى.

سونداي-اق وندا شابۋىل يزرايلدىك كۇشتەرگە قاۋىپ ءتوندىرۋى مۇمكىن، ارەكەتكە - ياعني جەر استىمەن باسىپ كىرۋگە دايىندالىپ جاتقان نىساندارعا جاسالعانى ايتىلعان.

يزرايلدىڭ سولتۇستىگىندەگى قىزمەتى تۋرالى جەكە ەسەپتە تساحال كۇشتەرى ليۆانمەن شەكاراداعى «حەزبوللانىڭ» ءتورت ۇيىمىنا سوققى جاساعانىن حابارلاعان.

يزرايل قورعانىس ءمينيسترى يواۆ گاللانت حاماسقا قارسى ناۋقان «ءبىر اي، ەكى اي، ءۇش ايعا سوزىلۋى مۇمكىن... جانە سوڭىندا حاماس جويىلادى» دەپ اتاپ ءوتتى.

گاللانت «تساحالدى (يزرايل قورعانىس كۇشتەرى) ەشتەڭە توقتاتا المايدى» دەپ تولىقتىردى.

«بۇل - ءبىزدىڭ گازا سەكتورىنداعى سوڭعى وپەراتسيامىز بولۋى كەرەك، سەبەبى ودان كەيىن حاماس ۇيىمى بولمايدى»، - دەپ ۋادە ەتتى ول.

مينيستر اسكەري اۋە كۇشتەرىنە العىس ايتىپ، كەلەسى كەزەڭ - كوپتەن كۇتكەن جەر بەتىندەگى وپەراتسيا بولاتىنىن، وعان از قالعانىن ءمالىم ەتتى. ءبىراق ول «حاماس ءبىزدىڭ تانك جانە جاياۋ اسكەرىمىزبەن كەزدەسپەس بۇرىن، اۆياتسيانىڭ سناريادتارىمەن تانىسادى» دەدى.

ازىرگە تساحال جەر بەتىندەگى وپەراتسيانى قاشان باستايتىنى بەلگىسىز.

سول ارالىقتا، پالەستينا ىشكى ىستەر مينيسترلىگى قازىر عانا گازا سەكتورىنىڭ سولتۇستىگىنە جاسالعان يزرايلدىڭ ەكى شابۋىلىنان 17 ادام قازا تاۋىپ، ونداعان تۇرعىن جاراقات العانىن حابارلادى.

رەسمي تۇلعالاردىڭ سوزىنشە، بۇگىن تاڭەرتەڭ ولاردىڭ ءبىرى دجابالياداعى ۇيگە، ەكىنشىسى ءال-فالۋگا اۋدانىنداعى پاتەرگە تۇسكەن.

گازا سەكتورىنىڭ ورتالىق بولىگىندەگى دەير-ەل-بالاحتا تاعى 10 ادام ءولتىرىلدى، دەپ تولىقتىردى مينيسترلىك.

جەكسەنبى كۇنى گازا سەكتورىنا گۋمانيتارلىق كومەك تيەلگەن 14 جۇك كولىگى جەتتى، ءبىراق ب ۇ ۇ ودان ايتارلىقتاي كوپ كومەك كەرەك ەكەنىن ەسكەرتتى.

جاقىن كۇندەرى نيدەرلاند پرەمەر-ءمينيسترى مارك ريۋتتە مەن فرانسيا پرەزيدەنتى ەممانۋەل ماكرون يزرايلگە بارادى دەپ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى