يزرايل اسكەريلەرى «حەزبوللا» جەتەكشىسىنىڭ مۇراگەرى ولتىرىلگەنىن راستادى
استانا. KAZINFORM - يزرايل اسكەريلەرى ءۇش اپتا بۇرىن بەيرۋتكە جاسالعان سوققى كەزىندە حاشەم سافيەددين ولتىرىلگەنىن حابارلادى. ول بۇعان دەيىن ولتىرىلگەن «حەزبوللا» جەتەكشىسى حاسان ناسراللانىڭ ءىزباسارى بولۋى مۇمكىن، دەپ جازادى BBC.
- يزرايل قورعانىس كۇشتەرى «حەزبوللا» اتقارۋشى كەڭەسىنىڭ باسشىسى حاشەم سافيەددين مەن توپتىڭ بارلاۋ شتابىنىڭ قولباسشىسى الي حۋسەين حازيمانىڭ «حەزبوللانىڭ» باسقا قولباسشىلارىمەن بىرگە ولتىرىلگەنىن راستاي الادى. تەرروريستەر شامامەن ءۇش اپتا بۇرىن داحيا ايماعىندا بولعان سوققى كەزىندە جويىلدى. يزرايل قورعانىس كۇشتەرى «حەزبوللانىڭ» جوعارعى قولباسشىلارىنا جانە يزرايل ازاماتتارىنا قاۋىپ توندىرەتىندەردىڭ بارلىعىنا قارسى وپەراتسيالاردى جالعاستىرادى، - دەلىنگەن س ا ح ا ل مالىمدەمەسىندە.
قازان ايىنىڭ باسىندا يزرايل پرەمەر-ءمينيسترى بينيامين نەتانياحۋ «حەزبوللا» باسشىلارىنىڭ جويىلعانىن حابارلادى، ءبىراق ول ولاردىڭ اتىن اتامادى.
ونىڭ ايتۋىنشا، يزرايل قاۋىپسىزدىك كۇشتەرى ناسراللانىڭ مۇراگەرىن، سونداي-اق توپ «مۇراگەرىنىڭ مۇراگەرىن» ولتىرگەن.
قازاننىڭ 3 ىنەن 4 ىنە قاراعان ءتۇنى بەيرۋتتىڭ وڭتۇستىك شەتىندەگى رافيك حاريري حالىقارالىق اۋەجايى ايماعىنداعى «حەزبوللا» نىساندارىنا ءبىرقاتار سوققى جاسالدى.
سودان كەيىن شابۋىلدىڭ نىساناسى ناسراللانىڭ نەمەرە اعاسى حاشەم سافيەددين بولۋى مۇمكىن ەكەنى حابارلاندى.
اۆتور
ەركەجان سماعۇلوۆا
