يزرايل اسكەريلەرى «اش-شيفا» اۋرۋحاناسىنداعى ادامداردى ءبىر ساعاتتا ەۆاكۋاتسيالاۋدى تالاپ ەتتى
يزرايل قورعانىس كۇشتەرى گازا سەكتورىنداعى ەڭ ۇلكەن «اش-شيفا» اۋرۋحاناسىنداعى ادامداردىڭ بارلىعىن ءبىر ساعات ىشىندە تولىق ەۆاكۋاتسيالاۋعا بۇيرىق بەردى، دەپ حابارلايدى اراب ب ا ق مەن AFP اگەنتتىگى.
AFP ءتىلشىسىنىڭ حابارلاۋىنشا، مىندەتتى ەۆاكۋاتسيالاۋ تۋرالى داۋىس زورايتقىشتار ارقىلى جاريالاندى. كاzinform اگەنتتىگى بۇل تۋرالى BBC News-كە سىلتەمە جاساپ حابارلايدى.
اسكەريلەردىڭ بۇيرىعىن «ءال-جازيرا» جانە «ءال-ارابيا» تەلەارنالارى دا حابارلادى. س ا ح ا ل بۇل ايىپتاۋلارعا قاتىستى تۇسىنىكتەمە بەرگەن جوق.
يزرايل اسكەريلەرى بىرنەشە كۇننەن بەرى گازا سەكتورىنىڭ سولتۇستىگىندەگى «اش- شيفا» اۋرۋحاناسىندا وپەراتسيا جۇرگىزىپ جاتىر.
س ا ح ا ل مالىمەتىنشە، ونىڭ استىندا حاماس-تىڭ كوماندالىق پۋنكتى ورنالاسقان. يزرايل قورعانىس كۇشتەرى بۇعان دەيىن اۋرۋحانا استىنداعى تۋننەلدەر كورىنىپ تۇرعان بىرنەشە فوتوسۋرەتتەردى جاريالادى. سونىمەن قاتار جۋرناليستەرگە «اش-شيفا» اۋماعىنداعى قارۋ-جاراقتاردى كورسەتكەن.
بۇدان بولەك، اسكەريلەر اۋرۋحانا اۋماعىنان حاماس-تىڭ 7-قازان كۇنى ۇرلاپ اكەتكەن يزرايلدىك ەكى تۇتقىننىڭ ءمايىتىن انىقتاعانىن مالىمدەدى.
بۇل رەتتە اۋرۋحانا استىندا حاماس-تىڭ كوماندالىق پۋنكتى ورنالاسقانى تۋرالى اقپاراتتىڭ راس-وتىرىگى دالەلدەنگەن جوق. حاماس اۋرۋحانانى سودىرلاردىڭ ارەكەتى ءۇشىن پانا رەتىندە پايدالانعانىن ءۇزىلدى-كەسىلدى جوققا شىعاردى.
يزرايل بۇعان دەيىن بىرنەشە رەت اۋرۋحانا قىزمەتكەرلەرى مەن ناۋقاستاردى سەكتوردىڭ وڭتۇستىگىنە ەۆاكۋاتسيالاۋعا شاقىرعان، الايدا مەديتسينا قىزمەتكەرلەرى كوپتەگەن ناۋقاستاردى تاسىمالداۋ مۇمكىن ەمەس دەيدى. بۇۇ مەن دۇنيەجۇزىلىك دەنساۋلىق ساقتاۋ ۇيىمى وسى اپتادا ناۋقاستار مەن اۋرۋحانا قىزمەتكەرلەرىنىڭ تاعدىرىنا قاتىستى «قاتتى الاڭدايتىنىن» ءبىلدىردى.
