يزرايل اسكەرى گازانىڭ ورتالىعىنا كىردى

گاللانت يزرايل قورعانىس اسكەرى قۇرلىق، اۋە جانە تەڭىز اسكەرىمەن بىرلەسىپ قالاعا سولتۇستىك پەن وڭتۇستىكتەن شابۋىل جاساعانىن اتاپ ءوتتى.

يزرايل پرەمەر-ءمينيسترى بينيامين نەتانياحۋ بۇعان دەيىن ساربازدار گازا قالاسىن قورشاۋعا الىپ، ىشىندە ارەكەت ەتىپ جاتقانىن مالىمدەگەن بولاتىن. سونىمەن قاتار نەتانياحۋ گازا تۇرعىندارىن وڭتۇستىككە كەتۋگە شاقىردى.

ونىڭ دۇيسەنبى كۇنگى «سوعىستان كەيىن گازاداعى قاۋىپسىزدىك جاۋاپكەرشىلىگىن يزرايل ءوز موينىنا الادى» دەگەن مالىمدەمەسىن سەيسەنبى اسكەري كابينەتىنىڭ مۇشەسى ءتۇسىندىردى.

ستراتەگيالىق ماسەلەلەر ءمينيسترى رون دەرمەردىڭ « BBC بۇكىلالەمدىك قىزمەتىنىڭ جاڭالىقتار ساعاتى» باعدارلاماسىندا ايتۋىنشا، نەتانياحۋ يزرايل دەميليتاريزاتسيالانعان ايماقتا انكلاۆتىڭ ساقتالۋىن قامتاماسىز ەتىپ، جاڭا لاڭكەستىك قاۋىپ تۋىنداسا، ولارمەن كۇرەس وپەراتسيالارىن جۇرگىزەتىنىن ايتقىسى كەلگەن. ول يزرايل بۇل ايماقتى قايتا باسىپ الىپ، باسقارۋعا تىرىسپايتىنىن ءمالىم ەتتى.

بۇعان دەيىن گازانىڭ وڭتۇستىگىندەگى حان-يۋنيس، رافاح جانە دەير-ەل-بالاح قالالارىنا اۋەدەن سوققى جاساۋ سالدارىنان ونداعان ادام قازا تاپقانى حابارلانعان بولاتىن.

حاماس توبى باسقاراتىن دەنساۋلىق ساقتاۋ مينيسترلىگىنىڭ مالىمەتى بويىنشا، گازا سەكتورىندا 10300 دەن استام ادام ءولتىرىلدى، ونىڭ 4100 دەن استامى - بالا. يزرايلدە 1400 ادام ءولتىرىلىپ، 200 دەن استام تۇرعىن تۇتقىنعا الىندى.

دۇنيەجۇزىلىك دەنساۋلىق ساقتاۋ ۇيىمى (د د س ۇ) يزرايل مەن گازا قاقتىعىسىندا قازا تاپقاندار سانى مەن قاسىرەتكە ۇشىراعانداردى ءتىپتى ەلەستەتۋ قيىن ەكەنىن ايتتى.

ۇيىم وكىلى كريستيان ليندمايەر سوعىس باستالعالى مەديتسينا مەكەمەلەرىنە 100 دەن استام سوققى جاسالعانىن اتاپ ءوتتى.

ب ۇ ۇ اگەنتتىگىنىڭ وكىلى ەكى تاراپتان دا مەرت بولعاندار سانىن ايتىپ، قازىر گازادا ورتا ەسەپپەن كۇنىنە 160 بالا ءولتىرىلىپ جاتقانىن حابارلادى.

يزرايل تۇرعىندارى كەشە حاماس توبىنىڭ شابۋىل جاساعانىنا ءبىر اي تولعانىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى