يزرايل اسكەرى گازانى تولىعىمەن قورشاپ، ەكىگە ءبولدى

يزرايل ارمياسىنىڭ وكىلى دانيەل حاگاري بۇقارالىق اقپارات قۇرالدارىنا گازا سەكتورىنداعى وپەراتسيا تۋرالى اقپارات بەردى. ونىڭ ايتۋىنشا، تساحال كۇشتەرى گازا قالاسىن تولىعىمەن قورشاپ العان.

اسكەرلەر جاعالاۋ سىزىعىنا جەتىپ، گازا سەكتورىن «سولتۇستىك گازا» جانە «وڭتۇستىك گازا» دەپ ەكىگە ءبولدى.

ول يزرايل گازا سەكتورىنىڭ سولتۇستىگىندە جانە ۇلكەن گازا قالاسىندا قۇرلىقتاعى شابۋىل وپەراتسياسىن جالعاستىراتىنىن ايتتى.

گازا سەكتورىنداعى BBC ءتىلشىسى رۋشدي ابۋالۋفتىڭ ايتۋىنشا، جەكسەنبى كۇنى كەشكە جاسالعان اۋە شابۋىلدارى يزرايل مەن حاماس اراسىنداعى قاقتىعىس باستالعاننان بەرگى ەڭ اۋىر سوققى بولدى. ونىڭ ايتۋىنشا، سوققىلار گازانىڭ سولتۇستىك- باتىسىنا باعىتتالعان. ونداعى شاتي لاگەرى دەپ اتالاتىن بوسقىندار لاگەرى تالقاندالدى.

باتىس جاعالاۋدا ورنالاسقان پالەستينا اۆتونومياسىنىڭ دەنساۋلىق ساقتاۋ مينيسترلىگى گازادا تۇرعىن ءۇيدىڭ %50 دان استامى قيراعانىن مالىمدەدى. گازا سەكتورى حالقىنىڭ شامامەن %70 ى قونىس اۋداردى. ناۋقاستاردى قابىلداي الاتىن 35 جەرگىلىكتى اۋرۋحانانىڭ 16 سى جۇمىسىن توقتاتتى. پالەستينالىق بوسقىندارعا كومەك كورسەتۋ جانە جۇمىستاردى ۇيىمداستىرۋ جونىندەگى ب ۇ ۇ تاياۋ شىعىس اگەنتتىگىنىڭ 45 عيماراتى زاقىمداندى. كەم دەگەندە 7 شىركەۋ مەن 55 مەشىت بۇلىنگەن.

حاماس توبى باسقاراتىن گازا سەكتورىنداعى دەنساۋلىق ساقتاۋ مينيسترلىگى 7-قازاننان باستاپ گازا سەكتورىندا 9700 دەن استام ادام قازا تاپقانىن حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى