يزرايل- پالەستينا قاقتىعىسى: تۇتقىنداردى بوساتۋ جۇماعا قالدىرىلدى
بۇعان دەيىن جاريالانعان تورتكۇندىك بىتىمگەرشىلىك جانە تۇتقىنداردى بوساتۋ كەلىسىمى جۇماعا قالدىرىلدى.
بۇل تۋرالى سارسەنبى كەشىندە بەلگىلى بولدى. kazinform اگەنتتىگى بۇل تۋرالى euronews-كە سىلتەمە جاساپ حابارلايدى.
ب ا ق حابارلاۋىنشا، بۇل تاراپتاردىڭ، سونىڭ ىشىندە كەلىسسوزدەر جۇرگىزۋدە دەلدال بولعان كاتاردىڭ كەلىسىمنىڭ ەگجەي- تەگجەيىن رەتتەمەۋىنە بايلانىستى بولدى.
بۇعان دەيىن بەلگىلى بولعانداي، يزرايل تۇرمەلەرگە قاماعان 150 ايەل مەن ءجاسوسپىرىمدى بوساتۋى، ال حاماس سودىرلارى 7-قازاندا تۇتقىنعا العان 50 ايەل مەن بالانى بوساتۋى ءتيىس ەدى.
پرەمەر- مينيستر بينيامين نەتانياحۋ جۇرتشىلىقتى بۇل كەلىسىمنىڭ دۇرىس شەشىم بولعانىنا سەندىرۋگە تىرىستى.
«تۇتقىنداردى قايتارۋ بويىنشا اسكەري وپەراتسيا بارلىق جاعدايدا مۇمكىن ەمەس. سوندىقتان ءبىز كۇتپەيمىز. ءبىز تۇتقىنعا الىنعان ازاماتتارىمىزدى بوساتۋ ءۇشىن بارلىق مۇمكىندىكتەردى پايدالانۋدامىز. سەبەبى ولاردى قايتارۋ - كيەلى ميسسيا. تساحال جانە قاۋىپسىزدىكتىڭ بارلىق قىزمەتتەرى بۇل جوسپاردى تولىق قولداپ وتىر»، - دەپ مالىمدەدى يزرايل پرەمەر- ءمينيسترى بينيامين نەتانياحۋ.
يزرايل تورتكىندىك بىتىمگەرشىلىكتى كۇتىپ ءجۇرىپ گازا جانە ونىڭ سىرتىندا قۇرلىقتاعى جانە اۋەدەگى وپەراتسياسىن جالعاستىرىپ وتىر.
حابارلانعانداي، كەشە ليۆاننىڭ وڭتۇستىگىندە «حەزبوللاح» ەليتالى ارنايى جاساعىنىڭ كومانديرى سارادج شاحيمي ءولتىرىلدى.
نەتانياحۋ بىتىمگەرشىلىك اياقتالعان سوڭ حاماس جانە ونىڭ وداقتاستارىنا قارسى سوعىس قيمىلدارى «ابسوليۋتتى جەڭىسكە» دەيىن جالعاستىرىلاتىنىنا ۋادە بەردى.
گازانىڭ حاماس قوزعالىسى باسقارىپ وتىرعان دەنساۋلىق ساقتاۋ مينيسترلىگىنىڭ مالىمەتىنشە، يزرايلدىك ناۋقان سالدارىنان پالەستينانىڭ 14 مىڭنان استام ازاماتى مەرت بولدى، سونىڭ ىشىندە 5 مىڭى - بالالار.
