ىزدەۋدە جۇرگەن ەكى قىلمىسكەر تۇركيادان ەلگە قايتارىلدى
استانا. KAZINFORM - الماتى قالاسىنىڭ پروكۋرورلارى ىزدەۋدە جۇرگەن ەكى قىلمىسكەردى تۇركيادان قايتارىپ الدى.
الماتى پروكۋراتۋراسى زاڭنامانى ءتۇسىندىرۋ ارقىلى اۋىر قىلمىس جاساعانى ءۇشىن ىزدەۋدە جۇرگەن قازاقستان رەسپۋبليكاسىنىڭ ەكى ازاماتىن ءوز ەركىمەن قايتارعان.
«قاشقىندار تۇركيا رەسپۋبليكاسىنىڭ اۋماعىندا 5 جىلدان استام تەرگەۋ ورگاندارىنان جاسىرىنعان.
28-ناۋرىزدا قالا اۋەجايىندا ولارعا قاتىستى پروتسەستىك ۇستاۋ جۇرگىزىلدى، ەكى فيگۋرانت ۋاقىتشا ۇستاۋ يزولياتورىنا قامالدى»، - دەپ جازدى باس پروكۋراتۋرادان.
