«اكىمدەر مەكتەبى» جوباسى: اۋىل جانە اۋدان باسشىلارىنا نە ۇيرەتىلەدى

- باعدارلاما اكىمدەردى اۋىل ەكونوميكاسىنىڭ دامۋىنا اسەر ەتەتىن نەگىزگى فاكتورلاردى ايقىنداۋعا ۇيرەتەدى. سونداي-اق اكىمدەر اۋىلدىق ەلدى مەكەندەردى دامىتۋ جولدارىن بەلگىلەۋدى، باسىم باعىتتار بويىنشا كووپەراتسيالىق جوبالار مەن ەكونوميكالىق دامۋ باعدارلامالارىن ازىرلەۋدى مەڭگەرەدى.

سونىمەن قاتار، اكىمدەر جەرگىلىكتى ءوزىن-ءوزى باسقارۋ پروتسەستەرىنە ازاماتتاردى تارتۋ ادىستەرىن ۇيرەنەدى. وعان جەرگىلىكتى قاۋىمداستىقپەن ءوزارا ءىس-قيمىل جاساۋ جانە بىرلەسكەن جۇمىس ۇيىمداستىرۋ تاسىلدەرى كىرەدى.

اكىمدەر ءوز اۋىلدارىنىڭ ەكونوميكالىق باعىتتارىن انىقتاۋدى، سونداي-اق ءونىم وندىرۋدەن باستاپ، ونى سەرتيفيكاتتاۋ مەن ساتۋعا دەيىنگى تىكەلەي تىزبەكتى قۇرۋدى ۇيرەنەدى، - دەدى ول.

سونداي-اق ق ر پرەمەر-ءمينيسترىنىڭ ورىنباسارى بۇل باعدارلاما اۋىلدىق ايماقتاردىڭ دامۋىنا جاڭا سەرپىن بەرىپ، حالىقتىڭ ءومىر ءسۇرۋ دەڭگەيىن كوتەرۋگە ىقپال ەتەتىنىن ايتتى.

ەسكە سالساق، ەلىمىزدە اۋىلدىق وكرۋگتەردىڭ %95- دا اكىم سايلاندى. 2021 -جىلعى شىلدەدەن 2024 -جىلعى جەلتوقسانعا دەيىنگى كەزەڭدە 2176 اۋىلدىق وكرۋگتە 2566 اكىم سايلاندى.

بۇگىن ەلىمىزدە سايلانعان اۋىل جانە اۋدان باسشىلارىن وقىتۋ باستالدى.

مەملەكەت باسشىسى بۇعان دەيىن «اكىمدەر مەكتەبى» جوباسىن ىسكە قوسۋدى تاپسىرعان ەدى.

سونداي- اق «اكىمدەر مەكتەبى» جوباسى 2400-دەن استام اۋداندىق جانە اۋىلدىق وكرۋگ اكىمدەرىن قامتيتىنىن جازعان ەدىك.

اۆتور

ەربول جانات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى