ۇيىمداستىرۋشىلار جەي لونىڭ كونسەرتىنە قاتىستى جاڭا مالىمدەمە جاسادى

- سوڭعى بىرنەشە كۇندە ءبىزدىڭ كوماندا ءار جاعدايدى جەكە قاراپ شىقتى، ورىندارعا قايتا وتىرعىزىپ، ساتىپ الۋشىلارمەن بايلانىسىپ، ءار ماسەلەنى شەشۋگە تىرىستىق. قازىر جەننيفەر لوپەستىڭ كونسەرتىنە ارنالعان بيلەتتەردىڭ بارلىعى ساتىلدى، بىزگە بەرىلگەن كۆوتا تولىقتاي تاۋسىلدى، بوس بيلەت جوق، - دەيدى ۇيىمداستىرۋشىلار.

وسى ورايدا كونسەرتتى ۇيىمداستىرۋشىلار كەلەسىدەي شەشىم قابىلدادى:

- بيلەتتى ساتىپ الىپ، ءبىراق ۆاۋچەر الماعان كليەنتتەر ءۇشىن وكىنىشكە قاراي، ورىن قالمادى. سول سەبەپتى، بيلەت قۇنىن تولىق قايتارادى جانە قوسىمشا سول سوما كولەمىندە (%100) قاراجاتتى يەسىنە قايتا اۋدارادى. اقشانى قايتارۋ ۋاقىتى بانك قىزمەتىنە بايلانىستى، ياعني 3 جانە 10 جۇمىس كۇنىنە دەيىن.

- ەگەر بيلەت سول باعاداعى باسقا ورىنعا نەمەسە بيلەيتىن الاڭعا اۋىستىرىلسا، ىڭعايسىزدىق ءۇشىن بيلەت قۇنىنىڭ %50 وتەماقى رەتىندە تولەنەدى.

- ەگەر بيلەت ارزانىراق ورىنعا اۋىستىرىلسا، تولىق قايتارىم جاسالادى جانە كونسەرتكە تەگىن كىرەدى.

- الداعى تاۋلىكتە بارلىق كليەنتكە تاپسىرىستىڭ مارتەبەسى تۋرالى SMS-حابارلاما جىبەرىلەدى. بۇل جاعداي بىزگە ۇلكەن ساباق بولدى، الداعى ۋاقىتتا مىندەتتى تۇردە وڭتايلاندىرامىز، - دەپ ءتۇسىندىردى ۇيىمداستىرۋشىلار.

ايتا كەتەيىك، بيىل 1-تامىزدا الەمگە تانىمال پوپ-جۇلدىز جەننيفەر لوپەس استانادا كونسەرت بەرەدى.

كەيىن الەۋمەتتىك جەلىدە جەي لونىڭ كونسەرتىنە قازاقستانعا تۋرلار ساتىلىپ جاتقانى ايتىلدى.

ارتىنشا ۇيىمداستىرۋشىلار دەلدال ساتقان بيلەتپەن جەي لو كونسەرتىنە كىرە المايتىنىن جانە زاڭسىز ساتۋعا قاتىستى تەكسەرۋ جۇمىستارى باستالعانىن مالىمدەدى.

سونداي-اق ۇيىمداستىرۋشىلار جەننيفەر لوپەستىڭ كونسەرتىنە قايتالانىپ ساتىلعان بيلەتتەردىڭ قۇنىن وتەۋگە بەردى.

بۇگىن استانالىق جانكۇيەرلەردىڭ ءبيى جەي لونىڭ نازارىنا ىلىكتى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى