ءۇيدى يپوتەكاسىز قالاي الۋعا بولادى جانە پايىزى كوپ نەسيە العان كەزدە نە ءبىلۋ كەرەك؟
قارجىگەر پەريزات باۋىرجان يپوتەكاسىز ءۇيدى قالاي الۋعا بولاتىنىن ءتۇسىندىرىپ بەردى.
بۇل تۋرالى قارجىگەر TikTok-پاراقشاسىندا ايتتى.
«ءبولىپ تولەۋسىز، يپوتەكاسىز قالاي تەزىرەك اقشا جيناپ، قولما-قول اقشاعا ءۇي الۋعا بولادى؟» دەگەن سۇراقتار قويىلىپ جاتادى. ەگەر ايىنا 250 مىڭنان جيناپ وتىرساڭىز ونى «وتباسى بانكتەگى» وتباسىلىق پاكەتكە 50 مىڭ تەڭگەدەن سالىپ وتىرۋىمىز كەرەك. ونى بەس ەسەپشوتقا سالىپ جينايمىز. سوسندا جىل سوڭىندا ءبىر ەسەپشوتتىڭ وزىندە 600 مىڭ تەڭگە جينالادى. بەس ەسەپشوتتا 3 ميلليون تەڭگە اقشا جينالادى. وعان قوسىمشا مەملەكەت سىزگە ءۇي السىن دەپ ءار ەسەپشوتقا 20 پايىز سىياقىدان بەرەدى. ول - 600 مىڭ تەڭگە. سوندا ءبىر جىلدا 3 ميلليون 600 مىڭ تەڭگە جينالادى. مينيمالدى مەرزىم ءۇش جىل بولعاندىقتان ول كەزدە 10-11 ميلليونعا ءۇي الا الامىز»، - دەدى قارجىگەر.
سونداي-اق پايىزى كوپ نەسيە العان كەزدە نە ءبىلۋ كەرەك؟ بۇل سۇراقتىڭ جاۋابىن قارجىگەر پەريزات باۋىرجان ايتتى.
«قازىر بانكتەردەن كوپ قارىز، نەسيە الىپ تاستاعان ادامدار كوپ. ونى جابايىن دەسە پايىزى وتە جوعارى. ول كىسىلەرگە ايتارىم: مىندەتتى تۇردە ۇلتتىق بانكتىڭ بەكىتكەن، ياعني زاڭ باپتارى بار. بانكتەر تۋرالى زاڭنىڭ 35-بابىندا ەكى گرافيك كورەتىلەدى. بىرەۋى اننۋيتەتتىك، بىرەۋى سارالانعان گرافيك. ەگەر اقشالارىڭىزدىڭ كوپ بولىگى پايىزى نەگىزگى قارىپ ەمەس، پايىزى جاۋىپ جاتسا، وندا مىندەتتى تۇردە سارالانعان تۇرىنە اۋىستىرۋ كەرەك. سول كەزدە ءسىزدىڭ سالعان اقشاڭىزدىڭ كوپ بولىگى نەگىزگى قارىزدى جاۋىپ وتىرادى»، - دەيدى قارجىگەر.
/
