يوردانيا پاتشايىمى تاققان بويتۇمار ۇلتتىق اشەكەيىمىزگە سۇرانىستى ارتتىردى - زەرگەر

− بۇل تۇمارشانى رانيا پاتشايىمعا تىكەلەي بەرگەن جوقپىن. ماعان قانشا ادام تاپسىرىس بەرىپ، بۇيىم جاساتادى، ونى جوعارى لاۋازىمدى تۇلعالارعا سىيعا تارتادى. مەن دە: «بۇل بۇيىمدى كىمگە سىيلايسىڭ؟» - دەپ سۇرامايمىن. كۇندەردىڭ كۇنى مادەنيەت كوميتەتىنىڭ قىزمەتكەرلەرى حابارلاسىپ: «يوردانيا پاتشايىمىنىڭ موينىنداعى القا قازاقتىڭ ۇلتتىق اشەكەيى مە، انىقتاپ بەرىڭىزشى»، - دەپ ءبىر سۋرەتتى جىبەردى. ول سۋرەت كوزىمە وتتاي باسىلدى! بۇل قازاقتىڭ اشەكەيى عانا ەمەس، مەنىڭ قولىمنان شىققان زەرگەرلىك بۇيىم ەكەنىن ايتتىم، − دەدى بەرىك ءالىباي اگەنتتىك تىلشىسىنە بەرگەن سۇحباتىندا.

وسىدان كەيىن جۋرناليستەر زەرگەردەن سۇحبات الىپ، ءتۇرلى ماقالالار جارىق كورىپ، قازاق اشەكەيىنە سۇرانىس كوبەيىپتى.

− رانيا - دۇنيە جۇزىنە تانىمال تۇلعا، كوپتەگەن ءىس-شارادا وسى اشەكەيمەن ءجۇردى. موينىندا قازاقتىڭ تۇمارشاسى، قولىندا بەسبىلەزىك، قانداي كەرەمەت؟! وسىدان كەيىن ۇلتتىق اشەكەيىمىزگە سۇرانىس ارتتى دەۋگە بولادى. قازىر دە بويتۇمارعا سۇرانىس وتە كوپ، ءتىپتى جاساپ ۇلگەرمەيمىز، - دەيدى بەرىك ءالىباي.

بۇعان دەيىن Kazinform يوردان كوشباسشىسى ابداللا Ⅱ ءومىرىنىڭ قىزىقتى فاكتىلەرىن جيناقتاعان ەدى. مونارح قازاقستانعا بىرنەشە مارتە ساپارلاعان. ال ەلدەر اراسىنداعى ىنتىماقتاستىق ەكونوميكا، ينۆەستيتسيا، ساۋدا جانە اسكەري سالالاردى قامتيدى.

ايتا كەتەيىك، قازاقستان پرەزيدەنتى قاسىم-جومارت توقايەۆ 18-19-اقپان كۇندەرى يوردانياعا بىرىنشى رەسمي ساپارمەن بارادى. ساپار بارىسىندا ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى ودان ءارى دامىتۋعا باعىتتالعان جوعارى دەڭگەيدەگى كەلىسسوزدەر وتەدى.

استانا مەن امماننىڭ ءوزارا قارىم-قاتىناسى جايىندا مىنا ماتەريالدان بىلە الاسىز.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى