ەگيپەتتەگى حۋرگادا جاعالاۋىندا تاعى دا اكۋلا پايدا بولدى
استانا. KAZINFORM - قىزىل تەڭىزدەگى ايگىلى حۋرگادا كۋرورتىندا اكۋلانىڭ پايدا بولعانى تۋرالى حاباردان كەيىن مىسىر ۇكىمەتى قاجەتتى شارالاردى قابىلداعانىن حابارلادى. بۇل تۋرالى Al Masry Al Youm باسىلىمى جازدى.
باسىلىمنىڭ مالىمەتىنشە، كەشە ال- گۋنا اۋدانىنداعى ابۋ مينكار ارالىنىڭ ماڭىندا اكۋلا كورىنگەن. قورىق باسشىلىعى اكۋلانى باقىلاۋ شارالارىن باستاعان. ولار جاعالاۋعا سۋعا تۇسۋگە بارعىسى كەلەتىندەردى وتە ساق بولۋعا شاقىرادى.
2023 -جىلدىڭ ماۋسىم ايىندا رەسەي تۇرعىنى جىرتقىشتىڭ قۇربانى بولعان ەدى، ونى ەشكىم قۇتقارا المادى. قىركۇيەكتىڭ ورتاسىندا مىسىردىڭ قورشاعان ورتانى قورعاۋ مينيسترلىگى سيناي تۇبەگىندەگى داحاب قالاسىنىڭ جاعالاۋىندا اكۋلادان جەرگىلىكتى حالىقتىڭ وكىلى دە زارداپ شەككەنىن حابارلادى.
