ىستامبۇل-الماتى رەيسىنىڭ جولاۋشىلارى دىتتەگەن جەرلەرىنە ۋاقىتىلى جەتە المادى
الماتى. قازاقپارات - Air Astana اۋە كومپانياسىنىڭ ىستامبۇل-الماتى باعىتى بويىنشا 22 جەلتوقسانعا جوسپارلانعان KC912 رەيسى ۇشپاي قالدى.
Air Astana كومپانياسىنىڭ باسپا ءسوز قىزمەتىنەن ءمالىم ەتكەندەي، جوسپارلانعان رەيىس ۇشاق قوزعالتقىشتىڭ تەحنيكالىق اقاۋىنا بايلانىستى كەيىنگە شەگەرىلىپ، كەيىن ۇشپاي قالدى.
- سول كۇنى اۋە كومپانياسى جولاۋشىلاردى ىستىق تاماقپەن قامتاماسىز ەتىپ، قوناقۇيگە ورنالاستىردى. كەشە جولاۋشىلارعا ءۇش مەزگىل تاماق پەن سۋسىن بەرىلدى. اۋە كومپانياسى كەيبىر جولاۋشىلاردى باسقا اۆياكومپانيالاردىڭ رەيستەرىنە قايتا بروندادى، ال كەيبىرىن كەشەگى تۇراقتى رەيسپەن جىبەردى، - دەپ اتاپ ءوتتى كومپانيادان.
قازىر 149 جولاۋشىنىڭ تورتەۋى قالدى. ولار بۇگىن كەشكە ۇشادى.
وسىعان دەيىن ماجىلىستەگى ەلدىڭ كولىك-لوگيستيكالىق الەۋەتىن دامىتۋعا ارنالعان ۇكىمەت ساعاتىندا پيتەر فوستەر Flyarystan بيلەتى قۇنىنا قاتىستى پىكىر بىلدىرگەن بولاتىن.
