يسپانيانىڭ ۆالەنسيا قالاسىنداعى ورتتەن 4 ادام قازا تاۋىپ، 14 ادام حابار- وشارسىز كەتتى
استانا. KAZINFORM - يسپانيانىڭ شىعىسىنداعى ۆالەنسيا قالاسىندا 14 قاباتتى تۇرعىن ءۇيدى شارپىعان ورتتەن ءتورت ادام قازا تاۋىپ، 14 ادام ءىز- ءتۇزسىز جوعالىپ كەتتى.
بۇل اقپاراتتى جۇما كۇنى رەسمي اقپارات كوزدەرى راستادى، دەپ جازادى شينحۋا اگەنتتىگى.
ءورت بەيسەنبى كۇنى جەرگىلىكتى ۋاقىت بويىنشا ساعات 17:30 شاماسىندا (شامامەن 450 ادام تۇراتىن 138 عيماراتتا شىققان، دەپ حابارلايدى جەرگىلىكتى باق.
جۇما كۇنى تاڭەرتەڭ ءورت سوندىرۋشىلەر مەن پوليتسيا قىزمەتكەرلەرى ءىز- ءتۇزسىز جوعالعانداردى ىزدەۋ ءۇشىن عيماراتقا كىردى.
ءورت سالدارىنان 15 ادام زارداپ شەكتى، ونىڭ جەتەۋى ءورت ءسوندىرۋشى. بەسەۋى اۋرۋحاناعا جەتكىزىلدى.
ءورت عيماراتتىڭ ورتاڭعى بولىگىندە باستالعان، ءبىراق كەيىن تەز تارالىپ، جارتى ساعاتتىڭ ىشىندە بۇكىل ءۇيدى شارپىعان.
جەرگىلىكتى اقپارات قۇرالدارىنىڭ حابارلاۋىنشا، ءورتتىڭ تارالۋىنا ءبىر جاعىنان شامامەن 60 ك م/ساع جىلدامدىقپەن سوققان جەل، ەكىنشى جاعىنان عيماراتتىڭ سىرتىنداعى قاپتامالار ىقپال ەتكەن.
تۇرعىن ۇيگە قالىڭدىعى 10 س م بولاتىن جانعىش پوليۋرەتاندى جابىن توسەلگەن، بۇل — ءورتتىڭ اپاتتى جىلدامدىقپەن تارالۋىنا مۇمكىندىك بەردى.
