يسپانيا جۇرەك قىزمەتىن تولىق توقتاتا وتىرىپ وپەراتسيا جاسايتىن الەمدەگى بىرەگەي ەل

بۇل ەلدە 10 وتباسىنىڭ 8- ءى قايتىس بولعان تۋىسىنىڭ اعزاسىن الۋعا رۇقساتىن بەرەدى. يسپانيا - اسيستوليا، ياعني جۇرەك قىزمەتىن تولىق توقتاتا وتىرىپ، بارلىق اعزا ءتۇرىن اۋىستىرۋ بويىنشا وپەراتسيا جاسايتىن الەمدەگى بىرەگەي ەلدەردىڭ ءبىرى. مۇندا بىلتىر 5400 ترانسپلانتاتسيالىق وتا جاسالعان، ونىڭ 2 مىڭعا جۋىعىندا اعزا مۇشەسى قايتىس بولعان، ال 300- ءى ءتىرى دوناردان الىنعان. ناتيجەسىندە بۇيرەك، باۋىر، جۇرەك، وكپە، ۇيقى بەزى جانە ىشەك ترانسپلانتانتى جۇزەگە اسقان.

ەستەبان مولانو، ترانسپلانتاتسيا جونىندەگى ۇلتتىق ۇيىم دارىگەرى:

- 10 وتباسىنىڭ 8- ءى قايتىس بولعان تۋىسىنىڭ اعزاسىن الماستىرۋ ءۇشىن بەرۋگە كەلىسەدى. بۇل - الەم بويىنشا وتە جوعارى كورسەتكىش. ءبىزدىڭ ۇيىم ءوتىنىش قابىلداۋ، ساراپتاما، ساقتاۋ جانە لوگيستيكامەن اينالىسادى. سونداي- اق ەمحانا مەن وتباسى اراسىنداعى بايلانىستى ارتتىرامىز.

يسپانياداعى 1 ميلليون ادامعا شاققاندا 35 دوناردان كەلەدى ەكەن. ال ەۋرووداقتاعى بۇل كورسەتكىش 19 ادامدى قۇرايدى. پاندەميا كەزىندە بۇل ستاتيستيكا تۇسكەن جوق، كەرىسىنشە، وسكەن.

ۆيسەنس بروسسا لويدي، كارديولوگ:

- ەۋروپادا 18 جاستان اسقاننان كەيىن ءار ادام - ءوز اعزاسىنىڭ قوجايىنى. سوندىقتان ول مەديتسينالىق ساقتاندىرۋىندا وقىس جاعدايدا وپات بولسام، اعزا مۇشەلەرىمدى وتاعا الۋعا رۇقسات دەپ كورسەتەدى جانە بۇل شەشىمدى ءتىرى كەزىندە كەز كەلگەن ۋاقىتتا كەرى قايتارىپ الا الادى. ال مۇنداي كەلىسىم جاسالماعان بولسا، وندا ونىڭ وتباسى شەشىم قابىلداي الادى.

1964 جانە 2012 -جىلدار ارالىعىندا يسپانيادا 86 مىڭنان استام اعزاعا ترانسپلانتاتسيا جاسالعان. دەي تۇرعانمەن دونور جانە ادام ساۋداسى قارا نارىقتا دا قىزىپ تۇر، دەپ جازادى جەرگىلىكتى ب ا ق. اسىرەسە وسى ءماجبۇرلى قادامعا كەدەي ەلدەن ەۋروپاعا اعىلعان ميگرانتتار بارۋى مۇمكىن. بىرىككەن ۇلتتار ۇيىمىنىڭ مالىمەتى بويىنشا، جىل سايىن بۇيرەك ترانسپلانتاتسياسىنىڭ % 10- كە جۋىعى زاڭسىز جاسالادى ەكەن.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى