يران پرەزيدەنتىمەن قوشتاسۋ ءراسىمى ءوتتى
استانا. KAZINFORM - تىكۇشاق اپاتىنان قازا تاپقان يران پرەزيدەنتى يبراحيم رايسيمەن قوشتاسۋ ءراسىمى يراننىڭ تابريز قالاسىندا ءوتتى. ارنايى Kazinform ءۇشىن IRNA سەرىكتەس اگەنتتىگى ۇسىنادى.
ەستەرىڭىزگە سالا كەتەيىك، يراننىڭ سەگىزىنشى پرەزيدەنتى يبراحيم رايسي 19-مامىردان 20-مامىرعا قاراعان ءتۇنى تىكۇشاق اپاتىنان قازا تاپتى.
سونداي-اق اپاتقا ۇشىراعان ۇشاق بورتىندا يران سىرتقى ىستەر ءمينيسترى حوسەين امير ابدوللاحيان، يراننىڭ رۋحاني جەتەكشىسىنىڭ شىعىس ازەربايجانداعى وكىلى، تەبريزدەگى جۇما نامازىنىڭ يمامى سەيەد مۇحامماد ءالي ءال-حاشەمي جانە شىعىس ازەربايجانداعى يران پروۆينتسياسىنىڭ گۋبەرناتورى ماليك راحمەتي بولدى.
بارلىق جولاۋشىلارمەن قوسا تىكۇشاق ەكيپاجى تۇگەل قازا تاپتى.
20-مامىردا يراننىڭ رۋحاني جەتەكشىسى اياتوللا سەيەد ءالي حامەنەي پرەزيدەنت يبراحيم رايسي مەن ونىڭ قاسىنداعىلاردىڭ شاھيد بولۋىنا بايلانىستى بەس كۇندىك ازا تۇتۋ جاريالادى.
