يران مەن يزرايلگە كيبەرشابۋىلدار رەكوردتىق دەڭگەيگە جەتتى

يزرايل جالپى DDoS- شابۋىلداردىڭ %8,4- ىمەن الەمدىك رەيتينگتە ءتورتىنشى ورىندى يەلەنسە، يران %8,1- دىق ۇلەسىمەن بەسىنشى ورىنعا جايعاستى. ەكى ەل دە ساياسي ۋاجبەن ارەكەت ەتەتىن حاكتيۆيستەر تاراپىنان بۇرىن-سوڭدى بولماعان شابۋىلدارعا ۇشىراعان.

StormWall دەرەگىنشە، 2025 -جىلدىڭ ەكىنشى توقسانىندا DDoS- شابۋىلدار كولەمى وتكەن جىلدىڭ سايكەس كەزەڭىمەن سالىستىرعاندا %108- عا ارتقان. كيبەرشابۋىلداردان ەڭ كوپ زارداپ شەككەن ەلدەر تىزىمىندە ءداستۇرلى تۇردە ا ق ش كوش باستاپ تۇر - شابۋىلداردىڭ %12,6- ى وسى ەلگە تيەسىلى. ودان كەيىن قىتاي (%10,4) مەن ءۇندىستان (%9,2) ورنالاسقان. ساراپشىلار بۇل ەلدەردىڭ گەوساياسي احۋالى مەن ەكونوميكالىق دامۋى ولاردىڭ وسالدىعىن ارتتىرىپ وتىرعانىن ايتادى.

كيبەرشابۋىلداردىڭ نەگىزگى نىساناسىنا اينالعان ەلدەردىڭ وندىعىنا ەۋروپا مەملەكەتتەرى دە كىردى. گەرمانيا %7,6- بەن التىنشى، ال ۇلى بريتانيا %7,3- بەن جەتىنشى ورىندا. بۇل ەلدەرگە قارسى شابۋىلدار تەك كيبەرقىلمىسكەرلەر تاراپىنان عانا ەمەس، ساياسي شەشىمدەرگە قارسىلىق ءبىلدىرۋشى حاكتيۆيستەر تاراپىنان دا جاسالعان.

ادەتتە ۇزدىك بەستىكتەن تۇسپەيتىن رەسەي بۇل جولى سەگىزىنشى ورىنعا تۇسكەن (%6,4) . بۇل كەزەڭدە ببمت (ە گ ە) مەن جوعارى وقۋ ورىندارىنىڭ قابىلداۋ كوميسسيالارى جۇمىسىنا كەدەرگى كەلتىرۋدى كوزدەگەن جاسوسپىرىمدەردىڭ جاپپاي شابۋىلدارى تىركەلگەن.

ءتىزىمدى ساۋد ارابياسى (%5,3) مەن سينگاپۋر (%5,1) قورىتىندىلايدى. ساۋد ارابياسى - وڭىردەگى ىقپالدى ەل جانە وندا مۇناي- گاز، قارجى سالالارى شوعىرلانعان. ال سينگاپۋر دامىعان ەكونوميكاسى ارقاسىندا كيبەرقىلمىسكەرلەر ءۇشىن تارتىمدى نىسان سانالادى.

بۇعان دەيىن ازەربايجان بيلىگى كيبەرشابۋىلدار سانىنىڭ وسۋىنە بايلانىستى ستراتەگيالىق نىسانداردىڭ كيبەرقاۋىپسىزدىگىنە باقىلاۋدى كۇشەيتكەنى حابارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى