يران مەن «ەۋرو ۇشتىك» 25 -شىلدەدە يادرولىق كەلىسسوز وتكىزەدى
استانا. KAZINFORM - يران 25- شىلدەدە ءوزىنىڭ يادرولىق باعدارلاماسى بويىنشا ۇلى بريتانيا، فرانسيا جانە گەرمانيامەن كەلىسسوز جۇرگىزەدى، دەپ حابارلايدى TABNAK.
- يران ەۋروپا ەلدەرىنىڭ وتىنىشىنە جاۋاپ رەتىندە كەلىسسوزدىڭ جاڭا راۋندىن وتكىزۋگە كەلىستى، - دەپ مالىمدەدى يران س ءى م باسپا ءسوز حاتشىسى يسمايل باگاي.
ونىڭ ايتۋىنشا، كەزدەسۋ سىرتقى ىستەر مينيسترلەرىنىڭ ورىنباسارلارى دەڭگەيىندە وتەدى.
يسمايل باگاي حابارلاعانداي، يران مەن ەۋروپا اراسىنداعى بۇل كەلىسسوز تەگەراننىڭ ا ق ش- پەن جاناما كەلىسسوزىنەن بولەك وتەدى. الداعى كەزدەسۋدە ەۋروپالىق ەلدەردىڭ يادرولىق كەلىسىمدەگى ءرولىنىڭ سيپاتى مەن سانكسيالار ەنگىزۋدىڭ «كەرى مەحانيزمى» ماسەلەسىنە كوڭىل بولىنەدى.
«ەۋرو ۇشتىك» ەلدەرى بۇعان دەيىن يران مەن ا ق ش اراسىندا بۇرىن جۇرگىزىلگەن كەلىسسوز قايتا جالعاسپاسا نەمەسە ناقتى ناتيجە بەرمەسە تامىز ايىنىڭ سوڭىنا دەيىن ب ۇ ۇ- نىڭ تەگەرانعا قارسى سانكسيالارىن «كەرى مەحانيزم» (snapback) بويىنشا قالپىنا كەلتىرەتىنىن مالىمدەگەن بولاتىن.
بۇعان دەيىن ترامپ يراننىڭ يادرولىق نىساندارىن جوياتىنىن ەسكەرتكەنىن جازعان بولاتىنبىز.
اۆتور
زارينا تۋعانبايەۆا
