يران جاپپاي قىرىپ-جويۋ قارۋىن قولدانۋ نيەتى بار-جوعى تۋرالى مالىمدەدى
استانا. KAZINFORM - يران جاپپاي قىرىپ-جوياتىن قارۋ قولدانۋدان باس تارتۋ ساياساتىن ۇستاناتىنىن راستادى. بۇل تۋرالى يران يسلام رەسپۋبليكاسى سىرتقى ىستەر مينيسترلىگىنىڭ رەسمي وكىلى ەسمايل باگاي مالىمدەدى، دەپ جازادى ت ا س س.
«يران يسلام رەسپۋبليكاسىنىڭ ساياساتى - جاپپاي قىرىپ-جوياتىن قارۋ قولدانۋدان ءۇزىلدى-كەسىلدى باس تارتۋ. بۇل جوعارعى كوشباسشى اياتوللا ءالي حامەنەيدىڭ شەشىمىنە نەگىزدەلگەن. يران جانە شەتەل باسپا سوزىندە تەگەراننىڭ يادرولىق دوكتريناسىن وزگەرتۋ تۋرالى پىكىرتالاس بۇل ۇستانىمعا ەشقانداي اسەر ەتپەيدى جانە يران ءارقاشان قورعانىس دوكتريناسىنا نەگىزدەلگەن ساياساتتى ۇستانادى»، - دەدى باگاي تەلەارنالار كورسەتكەن بريفينگىدە.
ايتا كەتەيىك، 9-قازان كۇنى يران پارلامەنتىنىڭ دەپۋتاتى حاسانالي ەحلاكي اميري 39 زاڭ شىعارۋشىدان قۇرالعان توپ ي ي ر ۇلتتىق قاۋىپسىزدىك جوعارعى كەڭەسىنە يزرايل تاراپىنان تونگەن قاۋىپكە بايلانىستى قورعانىس دوكتريناسىن قايتا قاراۋ جانە يادرولىق قارۋ جاساۋعا رۇقسات بەرۋ تۋرالى رەسمي حات جولداعانىن مالىمدەگەن بولاتىن.
اۆتور
ەركەجان سماعۇلوۆا
