يران ەشقاشان باس يمەيدى - اياتوللا حامەنەي
استانا. KAZINFORM - يراننىڭ جوعارعى كوشباسشىسى اياتوللا ءالي حامەنەي تەلەۇندەۋىندە يزرايل مەن وڭىردەگى امەريكالىق بازاعا جاسالعان سوققىلاردى ءوزىن-ءوزى قورعاۋ ارەكەتى دەپ باعالاپ، ا ق ش-تىڭ بەرىلۋ تۋرالى ۇندەۋىن قاتاڭ ايىپتادى.
بەيسەنبى كۇنى تەلەارنا ارقىلى جاساعان مالىمدەمەسىندە اياتوللا حامەنەي يران يزرايل مەن ا ق ش-قا اۋىر سوققى بەرىپ، سىرتقى اگرەسسياعا قارسى تۇرا الاتىنىن دالەلدەگەنىن ايتتى.
- يسلام رەسپۋبليكاسىنىڭ سوققىلارى سالدارىنان يزرايل ەسەڭگىرەپ قالدى. يراننىڭ قورعانىس شەبىن بۇزىپ، اسكەري جانە ازاماتتىق نىساندارعا سوققى بەرە الاتىنىن ولار نە ەلەستەتە العان جوق، نە ەسەپتەي العان جوق. بۇل - قارۋلى كۇشتەرىمىزدىڭ ەرلىگى مەن ولاردى قولداعان حالقىمىزدىڭ ارقاسى، - دەدى حامەنەي.
ول سونداي-اق ا ق ش-تىڭ ارەكەتىن ناتيجەسىز دەپ باعالادى. ونىڭ ايتۋىنشا، ۆاشينگتون يزرايلدىڭ كۇيرەۋىنە جول بەرمەۋ ءۇشىن جانجالعا ارالاسقانىمەن، ناقتى ماقساتتارعا جەتە الماعان.
يران باسشىسى قاتارداعى امەريكالىق «ءال-ۋدەيد» اسكەري بازاسىنا جاسالعان سوققىنى ەرەكشە اتاپ ءوتتى. ونىڭ ايتۋىنشا، بۇل - ا ق ش- قا بەرىلگەن ناقتى جاۋاپ بولدى.
- رەسپۋبليكا ا ق ش-تىڭ ايماقتاعى نەگىزگى بازالارىنىڭ ءبىرىن - «ءال- ۋدەيدتى» نىساناعا الىپ، اۋىر سوققى جاسادى. بۇعان دەيىن ءوز سوققىلارىنىڭ اۋقىمىن اسىرەلەگەندەر ەندى ءبىزدىڭ جاۋابىمىزدىڭ ماڭىزىن تومەندەتۋگە تىرىسىپ جاتىر. ءبىراق يران قاجەت بولسا، وڭىردەگى ا ق ش- تىڭ ستراتەگيالىق نىساندارىنا سوققى بەرە الاتىنىن كورسەتتى. ەگەر اگرەسسيا قايتالانسا، ونىڭ قۇنى قىمباتقا تۇسەدى، - دەدى ول.
حامەنەي ءوز سوزىندە ەل ىشىندەگى بىرلىكتى دە ەرەكشە اتاپ ءوتتى. ونىڭ ايتۋىنشا، 90 ميلليون حالىق ارميانى ءبىر اۋىزدان قولدادى، بۇل - ۇلتتىق كەمەلدىك پەن ساياسي ساۋاتتىلىق بەلگىسى.
سونداي-اق، ول ا ق ش-تىڭ ۇستانىمىن قاتاڭ سىنعا الدى. حامەنەي ۆاشينگتوننىڭ شىنايى ماقساتى - يادرولىق باعدارلاما ەمەس، يراندى تولىق باعىندىرۋ ەكەنىن ايتتى.
- ا ق ش پرەزيدەنتى «يران بەرىلۋى ءتيىس» دەدى. بۇل - يادرولىق سالا تۋرالى ەمەس، تىكەلەي بەرىلۋ تۋرالى تالاپ. مىڭجىلدىق تاريحى مەن مادەنيەتى بار ۇلتقا مۇنداي ءسوز ايتۋ - قورلاۋ. بۇرىنعى اكىمشىلىكتەر بۇل ماقساتتى دەموكراتيا، ادام قۇقىقتارى، ايەلدەر نەمەسە تەحنولوگيا سىندى جەلەۋلەرمەن بۇركەمەلەسە، قازىر بارلىعى اشىق ايتىلىپ وتىر، - دەدى ول.
حامەنەي يران حالقى ا ق ش- پەن قاقتىعىستىڭ ءتۇپ-توركىنى - يراندى تىزە بۇكتىرۋ تالابىندا جاتقانىن ءتۇسىنۋى ءتيىس ەكەنىن ايتىپ، بۇل تالاپتىڭ ەشقاشان ورىندالمايتىنىن كەسىپ ايتتى.
- يران ەشقاشان باس يمەيدى. بۇل ەل - مىقتى، مادەنيەتى باي مەملەكەت. مۇنداي ەلدى باعىندىرۋ تالابىن قويۋ - اقىماقتىق ءارى ورىنسىز، - دەدى ول.
ءسوزىنىڭ سوڭىندا حامەنەي قارۋلى كۇشتەرگە العىس ايتىپ، قازا تاپقان قولباسشىلار مەن عالىمداردىڭ رۋحىنا تاعزىم ەتتى. سونىمەن بىرگە، ەل بولاشاعىن «قۇدايدىڭ قولداۋى مەن مەيىرىمىنە» تاپسىراتىنىن ايتتى.
