يران گازا سەكتورىنداعى قاقتىعىستارعا قاشان ارالاسۋى مۇمكىن - ەلشىنىڭ جاۋابى
يران يسلام رەسپبۋليكاسىنىڭ قازاقستانداعى توتەنشە جانە وكىلەتتى ەلشىسى ءالي اكبار دجوۋكار ب ا ق وكىلدەرىنە بەرگەن سۇحباتىندا رەسمي تەھراننىڭ گازا سەكتورىنداعى قاقتىعىستارعا قاشان ارالاسۋى مۇمكىن ايتتى، دەپ حابارلايدى Kazinform.
«يران گازا سەكتورىنداعى قارۋلى قاقتىعىستارعا قانداي جاعدايدا ارالاسادى دەگەن سۇراققا كەلسەك، مەن ونى ناقتى بىلمەيمىن. ويتكەنى ءبىزدىڭ جەتەكشىلەرىمىز، ءبىزدىڭ باسشىلارىمىز وسى وقيعاعا بايلانىستى ءوز ۇستانىمدارىن جاريالادى. بۇل قاتىگەزدىك، بۇل اگرەسسيا جالعاسا بەرەتىن بولسا، بۇعان بۇكىل الەمنىڭ مۇسىلماندارى رەاكسيا ءبىلدىرۋى مۇمكىن. وزدەرىڭىز كورىپ وتىرسىزدار، بۇل ماسەلەدە يسلام ەلدەرى وزدەرىنىڭ بىرلىگىن كورسەتىپ، ءبىرىڭعاي، ۇقساس ۇستانىم تانىتتى»، - دەدى ەلشى.
سونداياق ديپلومات يران بۇل ماسەلەدە حاماس ۇيىمىن تەررورشىلار ۇيىمى ەمەس، پالەستين جەرىن باسقىنشىلاردان قورعاۋشى دەپ ەسەپتەيتىنىن ءمالىم ەتتى.
«يران ءوزى ايتتى، «باسقىنشىلىققا قارسىلىق ءبىلدىرىپ جاتقان توپتاردى قولدايمى»، - دەدى. اسىرەسە، سونىڭ ىشىندە حاماس توبىنىڭ ارەكەتتەرىن قولدايتىنىن ءبىلدىردى. يراننىڭ ءدىني كوسەمى وسىناۋ باسقىنشىلىققا قارسى كۇرەسەتىن ءار جاۋىنگەردىڭ قولىن سۇيۋگە ءازىر ەكەنىن ايتتى»، - دەدى ءالي اكبار دجوۋكار.
