ۇيقىنىڭ قانباۋى ادام ءومىرىن قىسقارتادى - عالىم

ءبىرىنشى پايداسى تۇنگى ۇيقى تابيعي ۋاقىتقا جاقىندايدى. يسونىڭ ارقاسىندا تىنىعۋ ۋاقىتى ءبىر ساعاتقا ۇزارادى. بۇل تۋرالى اگەنتتىك تىلشىسىنە استرولوگ، ەتنوگراف- عالىم بولات بوپاي ۇلى ايتتى.

عالىمنىڭ سوزىنشە، بۇرىن ۋاقىت - ءار بەلدەۋگە، ءار وڭىرگە، ءار ايماققا تۇسىرەتىن كۇن ساۋلەسىمەن ەسەپتەلگەن.

«باعزى زاماندا ساعات بولماعان، ۋاقىتتى «ماما اعاشپەن» (جىلقى بايلايتىن اعاش قازىق)، ادام ءوز كولەڭكەسىمەن نەمەسە اسپان ارقىلى بىلگەن. مىسالى، «تال ءتۇس»، «تاڭ الاۋ»، «قىزىل ءىڭىر». كەش توقسان توعىز تۇلەپ باتادى، تاڭ توقسان توعىز تۇلەپ اتادى. ءتۇن دە سولاي. ادامدار سوعان قاراپ- اق ۋاقىتتى بىلگەن.

قازاقتا ەكى ۋاقىت ەسەبى بار. ءشامشيا - كۇن جانە قاماريا- اي. بىزدە اي ەسەبىمەن جۇرگەن. ويتكەنى، اسپانداعى ايدىڭ تولۋى، قاراڭعىلى جانە جارىعىمەن ساعات ۋاقىتىن ەسەپتەپ، ءبىلىپ وتىرعان»، - دەيدى بولات بوپاي ۇلى.

عالىم كوكتەمنىڭ العاشقى كۇنىندە جەرگىلىكتى ۋاقىتتى 1 ساعاتقا ارتقا جىلجىتۋ وتە دۇرىس شەشىم دەپ ەسەپتەيدى.

«تاڭعى ساعات 4 پەن 7 گە دەيىنگى ارالىقتا اۋا تازارادى. وسى ۋاقىتتا ادام اعزاسى كۇنى بويىنا كۇش جيناپ الادى. كەشكى ساعات 22:00 دەن كەيىن ۇيقىنىڭ كەزەڭى باستالادى. ەگەر ۇيىقتامايتىن بولساڭىز، ۇيقى مەنەن ۇيقىسىزدىق كادىمگىدەي سوعىسادى. ۇيقىنى ۇيقىسىزدىق جەڭەتىن بولسا، يمۋنيتەت، اس قورىتۋ جولدارى، ويلاۋ جۇيەسى، ەستۋ قابىلەتى، كورۋ، دەنە قۋاتى السىرەيدى. سودان، ادام ءومىرى قىسقارادى، جازىلمايتىن اۋرۋعا شالدىعۋى مۇمكىن. سوندىقتان ءبىر ساعات ارتقا شەگەرۋ دۇرىس. ءبىر ساعات ۇيقى، 24 ساعاتقا كۇش قۋات بەرەدى»، - دەيدى بولات بوپاي ۇلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى