يۋنيسەف: الەمدەگى ءاربىر ءۇشىنشى ينتەرنەت قولدانۋشىسى - بالا

بۇل تۋرالى يۋنيسەف- ءتىڭ بالالىق شاقتى قورعاۋ باعدارلامالارىنىڭ جەتەكشىسى ايسۇلۋ بەكمۇسا باياندادى.

«يۋنيسەف- تىڭ جاھاندىق ەسەبىندە الەمدەگى ءاربىر ءۇشىنشى ينتەرنەت قولدانۋشىسى بالا دەپ جازىلعان. وقۋ- اعارتۋ مينيسترلىگىمەن بىرلەسىپ، بىلتىر قازاقستانداعى بالالاردىڭ ونلاين- قاۋىپسىزدىگى مەن تاجىريبەسى بويىنشا زەرتتەۋ جۇرگىزدىك. ناتيجەسىندە قازاقستاندا بالالار ينتەرنەتكە بۇرىن- سوڭدى بولماعان جىلدامدىقپەن جانە ەرتە جاستان قوسىلاتىنىن انىقتادىق. زەرتتەۋگە سايكەس، بالالاردىڭ%45 ى ينتەرنەتكە 5-8 جاسىندا، ال بالالاردىڭ %5 ى ودان دا ەرتە - 4 جانە ودان كىشى جاستا قوسىلادى»، - دەدى سپيكەر.

ايسۇلۋ بەكمۇسا ينتەرنەت بالالاردىڭ دامۋىنا، ولاردى وقىتۋعا، شىعارماشىلىعىنا، الەۋمەتتەنۋىنە مۇمكىندىك بەرەتىنىنە توقتالا كەلە، تاۋەكەلدەردى دە ەسكەرۋ قاجەت ەكەنىن ايتتى.

ونىڭ ايتۋىنشا، بالالاردىڭ %21 ى قۇرداستارى مەن دوستارىنىڭ كيبەربۋللينگكە ۇشىراعانىن كورگەن. ءبىراق ولاردىڭ جارتىسى عانا ەرەسەكتەرگە ينتەرنەتتە كيبەربۋللينگكە تاپ بولعاندارىن ايتقان.

«ءبىز بالالاردىڭ قۇقىقتارىن قورعاۋ كوميتەتىمەن بىرلەسىپ بالالار ءۇشىن قاۋىپسىز پايدالانۋشىلىق ينتەرنەت قالىپتاستىرۋعا باعىتتالعان «كيبەرتۇمار» اقپاراتتىق ءبىلىم بەرۋ ناۋقانىن باستادىق. سونىمەن قاتار، كومپانيا اتا- انالارعا دا ارنالعان: ەگەر بالا ينتەرنەتتە قانداي دا ءبىر ءقاۋىپ- قاتەرگە تاپ بولسا، اتا- انالارعا ارنالعان نەگىزگى ءىس- قيمىل الگوريتمدەرى ۇسىنىلادى»، - دەدى يۋنيسەف وكىلى.

ايتا كەتەيىك، قازاقستاننىڭ 8 وڭىرىندە مەكتەپتەگى وڭ قارىم- قاتىناستاردى قالىپتاستىرۋ ءۇشىن «دوسبولlike» ناۋقانى وتكىزىلەدى.

قازىرگى ۋاقىتتا ەلىمىزدە 6,9 ميلليون بالا بار. 2027 -جىلعا قاراي بالالار سانى 8 ميلليونعا دەيىن ۇلعايادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى