گۆينەيا- بيساۋ جاستارىنىڭ قازاقستان ج و و- لارىندا ءبىلىم العانىن قالايمىز - ۋمارۋ سيسوكۋ ەمبالو
استانا. KAZINFORM - گۆينەيا- بيساۋ جاستارى قازاقستاننىڭ جوعارى تەحنيكالىق وقۋ ورىندارىندا ءبىلىم العىسى كەلەدى.
بۇل تۋرالى مەملەكەت باسشىسى قاسىم-جومارت توقايەۆپەن كەڭەيتىلگەن قۇرامداعى كەلىسسوز بارىسىندا ەلىمىزگە رەسمي ساپارمەن كەلگەن گۆينەيا-بيساۋ پرەزيدەنتى ۋمارۋ سيسوكۋ ەمبالو ايتتى.
- قازاقستان سوڭعى جىلدارى تۇراقتى دامۋ ماقساتتارىن، ونىڭ ىشىندە تابيعي رەسۋرستاردى ءتيىمدى پايدالانۋ، حالىقتىڭ سۇرانىسىنا جاۋاپ بەرە الاتىن ەكونوميكالىق جانە الەۋمەتتىك ساياساتتى جۇزەگە اسىرۋ اياسىندا ۇلكەن تاجىريبە جيناقتادى. ءبىز ەكونوميكالىق بايلانىستى، ءوزارا ءتيىمدى شارتتارمەن اۋىل شارۋاشىلىعى، ەنەرگەتيكا، تسيفرلىق تەحنولوگيا، كومىرسۋتەكتى پايدالانۋ سالاسىنداعى ساۋدا- ساتتىق الىس- بەرىسىن قولداعىمىز كەلەدى. سونىمەن قاتار، وقۋ مەن بىلىمگە دە ايرىقشا نازار اۋدارامىز. وسى ورايدا گۆينەيا- بيساۋ ستۋدەنتتەرىنە قازاقستاننىڭ جوعارى تەحنيكالىق وقۋ ورىندارىندا ءبىلىم العانىن قالايمىز. ءبىز وسىناۋ مۇمكىندىكتى بىرلەسە قاراستىرا الار ەدىك، - دەدى گۆينەيا- بيساۋ پرەزيدەنتى.
مارتەبەلى مەيمان ەكى ەلدىڭ تابيعي رەسۋرستارىن دا بىرلەسىپ يگەرۋ مۇمكىندىكتەرىن قاراستىرۋعا پەيىلدى ەكەنىن ءبىلدىردى.
- ەلدەرىمىزدىڭ ءبىر-بىرىنەن الشاق ورنالاسقانىنا قاراماستان مەملەكەتتەرىمىزدىڭ اراسىندا ءوزارا ءتيىمدى قارىم- قاتىناس ورناتقىمىز كەلەدى، - دەدى ۋمارۋ سيسوكۋ ەمبالو.
بۇعان دەيىن مەملەكەت باسشىسى قاسىم-جومارت توقايەۆ اقوردادا ەلىمىزگە رەسمي ساپارمەن كەلگەن گۆينەيا- بيساۋ پرەزيدەنتى ۋمارۋ سيسوكۋ ەمبالونى سالتاناتپەن قارسى العانىن جازعان ەدىك.
كەڭەيتىلگەن قۇرامداعى كەلىسسوز بارىسىندا قاسىم-جومارت توقايەۆ قازاقستان گۆينەيا- بيساۋدى افريكا قۇرلىعىنداعى ماڭىزدى سەرىكتەس رەتىندە قاراستىراتىندىعىن ايتتى.
