ينتەرنەتتەگى تانىستىق: الماتىلىق بويجەتكەندى ۇرىپ-سوعىپ، توناپ كەتتى
استانا. قازاقپارات - الماتىلىق بويجەتكەننىڭ ينتەرنەتتەگى ەر ازاماتپەن تانىستىعى ونى قايعىلى جاعدايعا دۋشار ەتە جازداعان، دەپ حابارلايدى El.kz اقپارات اگەنتتىگى.
بويجەتكەن دينا ءتاڭسارىنىڭ «نەمولچي» قورىنا ءوزىنىڭ باسىنان وتكەرگەن وقيعاسىن ايتىپ بەرگەن.
ونىڭ سوزىنشە، ينتەرنەتتە ەر ازاماتپەن تانىسىپ، ەكەۋى 27-شىلدە كۇنى كەزدەسۋ تۋرالى شەشىم قابىلداعان. جىگىت قىزدى جۇرگىزۋشىسىمەن كەلىپ الىپ كەتەتىنىن ايتقان. ال تانىستىق مەيرامحانادا جالعاسادى دەپ ءسوز بەرگەن.
كولىككە وتىرعان بويدا بويجەتكەننىڭ تەلەفونى مەن قولدورباسىن تارتىپ الىپ، ونى قالانىڭ سىرتىنا الىپ كەتكەن. بەلگىلى بولعانداي، كەزدەسۋگە شاقىرعان جىگىت تە، ونىڭ جۇرگىزۋشىسى دە تۇرمەدەن جاقىندا عانا شىققان ەكەن. ولار قىزدى ۇرىپ-سوعىپ، تەلەفونى مەن Kaspi-ىنىڭ پارولىن ءبىلىپ العان. سونان سوڭ جول بويىنداعى ءارتۇرلى بانكوماتتاردان اقشانى شەشىپ العان، - دەلىنگەن قور مالىمەتىندە.
پوليتسيا مالىمەتىنشە، بۇل جايتقا قاتىستى قىلمىستىق ءىس قوزعالدى.
كۇدىكتىلەردىڭ ءبىرى ۇستالدى، قىزمەتكەرلەر ونىڭ سىبايلاسىن قولعا ءتۇسىرۋ بويىنشا شارالار قابىلداۋدا. ءتيىستى ساراپتاما تاعايىندالدى، - دەلىنگەن الماتى قالاسى پوليتسيا دەپارتامەنتىنىڭ مالىمەتىندە.
