ينۆەستورلاردىڭ پروبلەمالارىن بىردەن رەتتەپ، شەشىمىن تابۋ كەرەك - ولجاس بەكتەنوۆ

- بارلىق نەگىزگى ماكروكورسەتكىش بويىنشا قاراعاندى، قىزىلوردا، پاۆلودار، تۇركىستان وبلىستارى، استانا جانە شىمكەنت قالالارى ءوسۋدى قامتاماسىز ەتتى. ەڭ تومەن كورسەتكىشتەر - اتىراۋ، ۇلىتاۋ، ماڭعىستاۋ، جامبىل، باتىس قازاقستان جانە اقمولا وبلىستارىندا. اتالعان ءوڭىر اكىمدەرى قالىپتاسقان جاعدايدى وزگەرتۋ ءۇشىن ءتيىستى ءىس-شارالاردى قابىلداسىن. سونىمەن قاتار وڭىرلەردىڭ الەۋمەتتىك-ەكونوميكالىق دامۋىن جانداندىرۋ ءۇشىن تىڭ تاسىلدەر قاجەت. باعدارلامالىق قۇجاتتاردىڭ ورىندالۋ بارىسىن جۇيەلى ۇيلەستىرۋدى قامتاماسىز ەتۋ كەرەك، - دەدى ۇكىمەت باسشسى.

پرەمەر-مينيستر اعىمداعى جاعدايدا، ەكونوميكانى ودان ءارى ءارتاراپتاندىرۋ، ينۆەستيتسيا تارتۋ جانە تۇراقتى جۇمىس ورىندارىن قۇرۋ باعىتىندا بەلسەندى شارالار قابىلداۋى قاجەتتىگىن باسا ايتتى.

- ينۆەستيتسيا تارتۋ ەكونوميكالىق ءوسىمنىڭ نەگىزگى فاكتورلارىنىڭ ءبىرى بولىپ قالا بەرەدى. بىزدە ينۆەستيتسيالىق دامۋدىڭ ايقىن باعىتى بار. ءبىراق ينۆەستيتسيا تارتۋ - مىندەتتىڭ جارتىسى عانا. ماڭىزدى مىندەت - جوبالاردى ساپالى سۇيەمەلدەۋ، تۋىندايتىن پروبلەمالاردى شەشۋ مەن ولاردىڭ تابىستى ىسكە اسىرىلۋىن قامتاماسىز ەتۋ. سىرتقى ىستەر جانە ۇلتتىق ەكونوميكا مينيسترلىكتەرىنە مۇددەلى مەملەكەتتىك ورگاندارمەن بىرلەسىپ، ينۆەستيتسيالىق جوبالاردى سۇيەمەلدەۋ جۇمىسىن كۇشەيتۋدى تاپسىرامىن. ينۆەستورلاردىڭ پروبلەمالارىن بىردەن رەتتەپ، شەشىمىن تابۋ كەرەك. سونداي-اق اكىمدىكتەرگە پروبلەمالىق ماسەلەلەردى جۇيەلى تۇردە وڭىرلىك ينۆەستيتسيالىق شتابتاردا قاراپ وتىرۋدى تاپسىرامىن، - دەدى ولجاس بەكتەنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى