يەن گەرري راحمونوۆقا قازاق تىلىندە حابارلاما جازدى
استانا. KAZINFORM - يرلانديالىق فايتەر يەن گەرري قىزۋ جەكپە- جەكتەن كەيىن قازاقستاندىق راحمونوۆقا تاعى دا ۇندەۋ جولدادى، دەپ حابارلايدى Sports.kz.
- جەكپە- جەكتى قابىلداماۋىڭا بولسا دا، وعان شىقتىڭ، تيتۋلدىق جەكپە-جەككە تاۋەكەل ەتتىڭ. ساعان، تالانتىڭا دەگەن قۇرمەتتەن باسقا ەشتەڭەم جوق. قۇتتىقتايمىن جانە تاعى دا كەزدەسەتىن ءساتىمىزدى اسىعا كۇتەمىن - ەكەۋمىز دە كىمنىڭ قاۋىپتىرەك جاۋىنگەر ەكەنىن بىلەمىز، - دەپ جازدى گەرري Instagram پاراقشاسىندا قازاق جانە اعىلشىن تىلدەرىندە.
ەسكە سالا كەتسەك، كەشە قازاقستاندىق راحمونوۆ (18-0) لاس- ۆەگاستا (ا ق ش، نيەۆادا شتاتى) UFC 310 تۋرنيرىندە يرلانديالىق فايتەر يەن گەرريمەن جەكپە-جەككە شىعىپ، تورەشىلەردىڭ ءبىراۋىزدان شەشىمىمەن قارسىلاسىنان باسىم ءتۇستى.
« نوماد» مانسابىندا العاش رەت قارسىلاسىن مەرزىمىنەن بۇرىن جەڭە المادى.
بۇدان بۇرىن UFC ءدىڭ YouTube ارناسىندا قازاقستاندىق راحمونوۆ (18-0) پەن يرلانديالىق يەن گەرري (15-0) اراسىندا وتەتىن جەكپە- جەككە ارنالعان فيلم جارىق كوردى.
