يەمەن استاناسى ا ق ش- تىڭ قارقىندى سوققىسىنا ۇشىرادى
استانا. KAZINFORM - ترامپتىڭ اسكەري ناۋقانى اۋقىمى مەن قارقىندىلىعى جاعىنان وزىنەن بۇرىنعى پرەزيدەنتتىڭ ساياساتىنان اسىپ ءتۇستى، دەپ حابارلايدى Kazinform ءتىلشىسى.
يەمەندىك ب ا ق ا ق ش- تىڭ بۇكىل ەلگە سونىڭ ىشىندە ەل استاناسى سانانىڭ ءبىر بولىگىنە جاسالعان اۋە شابۋىلدارىنىڭ جاڭا تولقىنى تۋرالى حابارلادى.
Al-Masirah اقپارات اگەنتتىگىنىڭ حابارلاۋىنشا، 28-ناۋرىز، جۇما كۇنى تاڭنان بەرى كەم دەگەندە 19 شابۋىل جاسالدى.
كەلتىرىلگەن شىعىن مەن قۇربان بولعاندار تۋرالى ازىرگە ناقتى اقپارات جوق. باستاپقى مالىمەتتەرگە قاراعاندا، جۇما كۇنى ساناداعى سوققىلاردان كەمىندە جەتى ادام جارالانعان.
سونداي-اق، سانا اۋەجايىنا، قىزىل تەڭىز جاعالاۋىنداعى حودەيدا پورت قالاسى ماڭىنداعى اۋداندارعا، توپتىڭ بەكىنىسى ساادا پروۆينتسياسىنا جانە يەمەننىڭ ءال-دجاۋف، امران جانە ماريب پروۆينتسيالارىنا سوققى بەرىلدى.
سونداي-اق، حۋسيتتەردىڭ اسكەري لاگەرلەرى مەن باسقا قۇرىلىمدار ورنالاسقان امرانداعى تاۋلى ايماقتار دا زارداپ شەكتى. Al-Masirah جاڭالىقتار جەلىسى شابۋىلداردان كەيىن بايلانىس جەلىلەرى ۇزىلگەنىن حابارلادى.
ا ق ش سوققىلارىن كۇشەيتتى
ا ق ش- تىڭ يەمەندەگى حۋسيت كوتەرىلىسشىلەرىنە قارسى جاڭا اۋە شابۋىلى ناۋقانى بۇرىنعى پرەزيدەنت دجو بايدەن كەزىندە جۇرگىزىلگەننەن گورى قارقىندى جانە اۋقىمدى بولىپ كورىنەدى، ويتكەنى ا ق ش تەك زىمىران نىساندارىن نىساناعا الۋدان جوعارى پروفيلدى نىسانداردى نىساناعا الۋعا جانە قالالىق ايماقتارعا بومبا تاستاۋعا كوشتى، دەپ حابارلايدى Associated Press.
اگەنتتىكتىڭ حابارلاۋىنشا، حۋسيتتەر باقىلاۋىنداعى اۋدانداردا بەيبىت تۇرعىنداردىڭ قازا بولۋى تۋرالى الاڭداۋشىلىق ارتىپ كەلەدى.
ا ق ش اسكەرى سوققى ءبىر اپتادان استام ۋاقىت بۇرىن باستالعاننان بەرى بەيبىت تۇرعىنداردىڭ قۇربان بولعانىن مويىنداماعانىمەن، بەلسەندىلەر سوققىلاردان حۋسيتتەر باقىلايتىن اۋماقتاعى بەيبىت تۇرعىندار قازا بولۋى مۇمكىن دەپ قاۋىپتەنەدى.
حۋسيتتەر قازىر اۋە شابۋىلىنان 57 ادامنىڭ قازا تاپقانىن ايتادى.
وتكەن اپتادا حۋسيتتەر يزرايلگە قارسى وپەراتسيالارىن «گازا قورشاۋى جويىلمايىنشا» جالعاستىراتىندارىن ايتتى، سونىمەن قاتار ا ق ش اسكەري كەمەلەرىنە شابۋىل جاسادى.
ايتا كەتەيىك، بيىل ا ق ش- تىڭ جاڭا اكىمشىلىگى يەمەندىك حۋسيتتەردى «تەررورلىق ۇيىم» دەپ تاعى دا مويىندادى.
بۇعان دەيىن ءبىز يەمەندىك حۋسيتتەر كىم ەكەنىن ايتقان بولاتىنبىز.
