يلون ماسك ۇكىمەتتىڭ ب ا ق-قا جۇمسايتىن شىعىنىن قىسقارتپاقشى

اق ءۇيدىڭ باسپا ءسوز حاتشىسى كەرولاين ليۆيتتىڭ مالىمدەۋىنشە، Politico بۇدان بىلاي سالىق تولەۋشىلەردىڭ قاراجاتىنان ءبىر سەنت تە المايدى. بۇل شەشىم باسىلىمنىڭ جازىلىم مەن باسقا دا مەملەكەتتىك كەلىسىمشارتتار ارقىلى 8,4 ميلليون دوللار العانى انىقتالعاننان كەيىن قابىلداندى.

كەرولاين ليۆيت DOGE كومانداسى قازىر بۇل تولەمدەردى توقتاتۋ بويىنشا جۇمىس ىستەپ جاتقانىن جانە «امەريكالىقتاردىڭ مۇددەسىنە قىزمەت ەتپەيتىن» كەز كەلگەن شىعىن قىسقارتىلاتىنىن اتاپ ءوتتى.

- Politico مەملەكەت تاراپىنان قارجىلاندىرىلىپ كەلگەن جالعىز باسىلىم ەمەس، - دەپ اتاپ ءوتتى Yahoo News.

USASpending.gov مالىمەتىنشە Associated Press ا ق ش ۇكىمەتىنەن 619,968 دوللار، Reuters  باسىلىم 33,1 ميلليون دوللار، ال The New York Times   باسىلىم 3378266 دوللار الىپ كەلگەن.

بۇل كورسەتكىشتەر يلون ماسكتىڭ قاتاڭ سىنىنا ۇشىرادى.

- بۇل - سالىق تولەۋشىلەردىڭ قاراجاتىن ءتيىمسىز پايدالانۋ. پايداسىز شىعىندار جويىلادى، - دەدى ول.

ول X جەلىسىندە «كوپتەگەن بۇقارالىق اقپارات قۇرالى تابىستىڭ جۇمباق قۇلدىراۋىنا تاپ بولادى» دەپ جازدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى