ىلە-الاتاۋ پاركىندە تاۋەشكىلەر فوتوتۇزاققا ءتۇسىپ قالدى

ىلە-الاتاۋ پاركىنىڭ قىزمەتكەرلەرى جانۋارلار ءجيى جۇرەتىن جەرلەرگە كامەرالاردى ورناتىپ، جانۋارلاردىڭ ومىرىنەن سيرەك ساتتەردى ءجيى ءتۇسىرىپ الادى. بۇل جولى فوتوتۇزاققا ءسىبىر تاۋەشكىسى مەن جابايى قابان تۇسكەن.

- بۇل سۋرەتتەر جانۋارلاردىڭ مىنەز-قۇلقى مەن ولاردىڭ تابيعي تىرشىلىك ورتاسى تۋرالى ماڭىزدى اقپارات بەرەدى. الىنعان دەرەكتەر بولاشاق زەرتتەۋلەر جۇرگىزۋگە جانە تابيعاتتى قورعاۋ شارالارىن ازىرلەۋگە قاجەت. ىلە-الاتاۋ مەملەكەتتىك ۇلتتىق تابيعي پاركى جابايى تابيعاتتى ساقتاۋ جانە زەرتتەۋ جۇمىستارىن بەلسەندى تۇردە جالعاستىرىپ جاتىر. زاماناۋي تەحنولوگيالاردى قولدانۋ تابيعي مۇرانى قورعاۋدا جانە سيرەك كەزدەسەتىن تۇرلەردى زەرتتەۋدە ماڭىزدى ءرول اتقارادى، - دەپ حابارلادى ورمان شارۋاشىلىعى جانە جانۋارلار دۇنيەسى كوميتەتىنەن.

ەسكە سالايىق، بۇعان دەيىن الماتى وبلىسىندا قار بارىسى مەن تۇركىستان سىلەۋسىنى فوتوتۇزاققا ءتۇسىپ قالعانىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى