ىشكى ىستەر مينيسترلىگى اباي وبلىسىنداعى تۇرمەدە ادام ءولىمى بولعانىن راستادى
ق ر ىشكى ىستەر ءمينيسترىنىڭ ورىنباسارى يگور لەپەحا اباي وبلىسىنداعى تۇرمەدە سوتتالعانداردىڭ جاپپاي پىشاقتاسقانى جايلى تۇسىنىك بەردى.
«ءيا، وندا (اباي وبلىسىنداعى بۇرىنعى ورگان قىزمەتكەرلەرى وتىراتىن تۇرمەدە - رەد.) راسىمەن كىسى ءولىمى بولدى. ول (جازاسىن وتەۋشى - رەد.) پىشاقتى ءوزى جاساپ العان. وكىنىشكە قاراي، بۇل - ءبىزدىڭ قىزمەتكەرلەردىڭ سالعىرتتىعى. بەينەباقىلاۋ كامەرالارىن قاراپ شىقتىق. سول ساتتە وندا ەكى ادام عانا بولعان، بوتەن ەشكىم جوق. ەكەۋى دە - جازاسىن وتەۋشى، ءبىراق كامەرالاس ەمەس. وقيعا كۇندىز بولعان. باسقا ەگجەي-تەگجەيىن ايتا المايمىن. بۇل ءىس بويىنشا قىلمىستىق ءىس قوزعالدى. ءبىزدىڭ قىزمەتكەرلەر جاۋاپكەرشىلىككە تارتىلدى. بۇل مەكەمە بويىنشا تەكسەرىس ءجۇرىپ جاتىر»، - دەدى يگور لەپەحا.
ايتا كەتەيىك، سەمەي قالاسىنداعى 19№ كولونيادا ۇ ق ك ءتوراعاسىنىڭ ەكس-ورىنباسارلارى داۋلەت ەرعوجين مەن ءانۋار سادىقۇلوۆ، ۇ ق ك الماتى قالاسى بويىنشا دەپارتامەنتىنىڭ بۇرىنعى باستىعى نۇرلان ماجيلوۆ جانە قورعانىس ەكس-ءمينيسترى مۇرات بەكتانوۆ جازاسىن وتەپ جاتىر.
بۇعان دەيىن، وسى وقيعا تۋرالى حابار العان بويدا اباي وبلىسى بويىنشا ق ا ج د- دان اقپارات سۇراعانىمىزدا قىلمىستىق-اتقارۋ جۇيەسى دەپارتامەنتى بۇل فاكتىنى جوققا شىعارعان ەدى.
