پياز رەسەي، وزبەكستان، پاكىستان، تۇركىمەنستانعا ەكسپورتتالادى – ا ش م

«كوكونىس ونىمدەرىن جيناۋ جۇمىستارى رەسپۋبليكانىڭ بارلىق ايماعىندا جۇرگىزىلىپ جاتىر. 26-قازانداعى اكىمدىكتەردىڭ جەدەل اقپاراتى بويىنشا 3,3 ميلليون توننا كارتوپ، 3,9 ميلليون توننا كوكونىس جينالدى. ونىڭ ىشىندە قىرىققابات - 511,6 مىڭ توننا، پياز - 1096,3 مىڭ توننا، ءسابىز - 496,2 مىڭ توننا. ستاتيستيكالىق مالىمەتكە سايكەس 2023 -جىلعى قاڭتار- تامىز ارالىعىندا 67,8 مىڭ توننا پياز ەكسپورتتالدى. ەكسپورتتىڭ نەگىزگى باعىتتارى - رەسەي، وزبەكستان، پاكىستان، تۇركىمەنستان»، - دەلىنگەن مينيسترلىكتىڭ اگەنتتىكتىڭ رەسمي ساۋالىنا بەرگەن جاۋابىندا.

مينيسترلىكتىڭ اتاپ وتۋىنشە، كوكونىس ونىمدەرىنىڭ باعاسىن تۇراقتاندىرۋ اياسىندا وڭىرلەر اۋىل شارۋاشىلىعى تاۋارىن وندىرۋشىلەرمەن فورۆاردتىق كەلىسىمدەر جاساسۋ ارقىلى ماۋسىمارالىق كەزەڭگە ارنالعان رەزەرۆتەردى قالىپتاستىرۋ بويىنشا جۇمىستاردى جۇرگىزىپ جاتىر.

«كەلىسىمشارتتىق كولەمدەر ماۋسىمارالىق كەزەڭدە ساۋدا جەلىلەرى، الەۋمەتتىك پاۆيلوندار جانە الەۋمەتتىك- كاسىپكەرلىك كورپوراتسيالاردىڭ مەنشىكتى ساۋدا نۇكتەلەرى ارقىلى بەكىتىلگەن تومەن باعامەن ساتىلادى. وسىلايشا، قازىرگى ۋاقىتتا 2024 -جىلعى ماۋسىمارالىق كەزەڭىنە (2024 -جىلعى قاڭتار- ءساۋىر ايلارى) 173,7 مىڭ توننا كولەمىندە كوكونىس ونىمدەرىن جەتكىزۋگە فورۆاردتىق شارتتار جاسالدى. ونىڭ ىشىندە كارتوپ - 95,1 مىڭ توننا، ءسابىز - 28,1 مىڭ توننا، قىرىققابات - 22,2 مىڭ توننا، پياز - 28,3 مىڭ توننا»، - دەدى ۆەدومستۆودان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى