ۇيگە اقشا جينايمىز دەپ ءجۇرىپ 5 بالاسىنان ايىرىلعاندار بار - دەپۋتات شارلاپايەۆتىڭ داۋلى مالىمدەمەسىن سىنادى
ءماجىلىس دەپۋتاتى ەلنۇر بەيسەنبايەۆ ونەركاسىپ جانە قۇرىلىس ءمينيسترى قانات شارلاپايەۆتىڭ «دەنى ساۋ ادام جەڭىلدەتىلگەن يپوتەكادان ۇمىتتەنبەگەنى دۇرىس» دەگەن مالىمدەمەسىنە جاۋاپ بەردى، دەپ حابارلايدى Kazinform.
«دەنى ساۋ قازاقستاندىقتار جۇمىس ىستەمەيدى دەپ كىم ايتىپتى. ولار جۇمىس ىستەپ ءجۇر. ءمينيستردىڭ سوزىنە نە پىكىر ايتا الام؟ ! وتىرىستا ونىمەن قالاي سويلەسكەنىمىزدى كوردىڭىزدەر عوي. مۇمكىن مينيستر جاقسى اقشا تاباتىن شىعار. ءيا، ونىڭ ايلىعى جوعارى. ول بۇل وتباسىلاردى بىلمەيدى عوي. مەن وعان سونداي وتباسىلارمەن كەزدەسۋ ۇيىمداستىرامىن. ءوز كوزىمەن كورسىن»، - دەدى ەلنۇر بەيسەنبايەۆ ءماجلىستىڭ جالپى وتىرىسىندا ب ا ق وكىلدەرىنە بەرگەن سۇحباتىندا.
دەپۋتات باسپاناعا اقشا جينايمىز دەپ ءجۇرىپ 5 بالاسىنان ايىرىلعان سيتەرلەر وتباسىنىڭ قايعىلى جاعدايىن ەسكە سالدى.
«مەن ونى (ونەركاسىپ جانە قۇرىلىس ءمينيسترى شارلاپايەۆتى - رەد.) تانىمايمىن. ءومىربايانىن بىلمەيمىن. مەن ءوز باسىم سيتەرلەر وتباسىنىڭ قايعىلى وقيعاسى كەزىندە استانا اكىمدىگىندە جۇمىس ىستەگەن ەدىم. سول جاعدايدان كەيىن كۇنىنە 700-800 كوپبالالى انا كەلەتىن. وسى باعىت بويىنشا جۇمىس ىستەگەن التى ايدىڭ ىشىندە 1,5 مىڭ وتباسىنى ارالاپ شىقتىم. ولاردىڭ ەشبىرى شالقىپ ءومىر ءسۇرىپ جاتقان جوق. ءبارى قولىنداعى سوڭعى تيىنىن پاتەر اقىسىنا بەرىپ وتىر. ءبىر عانا بولمەنى 40 مىڭ تەڭگەگە جالداپ، تۇتاس وتباسىمەن تۇرىپ جاتتى. كونستيتۋتسيادا الەۋمەتتىك- ەكونوميكالىق مەملەكەت ەكەنىمىزدى جازعان ەكەنبىز، سوعان ساي بولۋىمىز كەرەك. جالپى ىشكى ءونىمىمىزدىڭ كولەمى 450 ميلليارد دوللار بولاتىن كەز كەلەدى. ادامداردىڭ ايلىعى شىنايى جاعدايدا 500 مىڭ تەڭگە بولاتىن زامان تۋادى. بيۋدجەت قىزمەتكەرلەرى 1 ميلليون تەڭگەدەن جوعارى ايلىق الاتىن بولعان كەزدە وسى ماسەلەنى كوتەرۋگە بولاتىن شىعار»، - دەدى ول.
ايتا كەتەيىك، مينيستر قانات شارلاپايەۆ ءماجىلىستىڭ بۇگىنگى جالپى وتىرىسى كەزىندە «وتباسى بانكتىڭ» باعدارلامالارىنا بالاما يپوتەكا شىعارۋ تۋرالى ۇسىنىسقا داۋلى مالىمدەمەمەن جاۋاپ بەرگەن بولاتىن.
