وزبەكستاننىڭ 19-عاسىرداعى توقىما ونەرى تۋرالى كىتاپ جارىق كوردى
وزبەكستاننىڭ XIX عاسىرداعى توقىما ونەرىنىڭ باي مۇراسىنا ارنالعان «يپاك ۆا ولتين: ليبوسلارنينگ مۋحتاشام ساناتي» («جىبەك پەن التىن: كيىمنىڭ عاجايىپ ونەرى» ) كىتابى جارىق كوردى. Kazinform بۇل تۋرالى Uza.uz-گە سىلتەمە جاساپ حابارلايدى.
وقىرماندار وزبەك تاريحي كيىمدەرى مەن ءداستۇرلى ورنەكتەرى، وزبەكستانداعى توقىما ونەركاسىبىنىڭ قالىپتاسۋىنا ۇلى جىبەك جولىنىڭ اسەرى، قولونەر شەبەرلەرىنىڭ سىرتقى الەممەن تۇراقتى تۇردە شىعارماشىلىق الماسۋى تۋرالى بىلە الادى.
جاڭا تۋىندى شاپان، سۋرەتتى كىلەمدەر جانە زەرگەرلىك بۇيىمدار سياقتى ءارتۇرلى ونەر تۋىندىلارىمەن تانىستىرادى. بۇل ونەر تۋىندىلارىن دايىنداۋدا عاسىرلار بويى شەبەرلەردەن شاكىرتتەرىنە جالعاسىپ كەلە جاتقان ءداستۇر قولدانىلعان.
وزبەكستان مادەنيەت جانە ونەردى دامىتۋ قورى «Assouline» باسپاسىمەن بىرلەسە وتىرىپ «وزبەكستان. «سامارقاندقا جول»، «وزبەكستاننىڭ ءتىرى قازىنالارى: قولونەر سالتاناتى»، «اۆانگارد شىعىس اۋەسقويلارى» جانە «ورىس اۆانگاردى» سياقتى بىرنەشە كىتاپ جارىق كوردى.
بۇل كىتاپتار وزبەكستان مادەني-تاريحي مۇراسىنا، ساۋلەتتىك جانە تابيعي اسەمدىگىنە، ەلدىڭ قولدانبالى ساندىك ونەرى مەن زاماناۋي شەبەرلەرىنە، يگور ۆيتاليەۆيچ ساۆيسكيدىڭ اۆانگاردتىق مۇراسىنا ارنالعان.
ايتا كەتۋ كەرەك، بۇل تۋىندى مادەنيەت پەن ونەردى دامىتۋ قورىنىڭ باستاماسىمەن، اۆتور ياففا اسسۋلين مەن بەلگىلى فوتوگراف لازيز حامانيمەن بىرلەسىپ دايىندالعان.
اۆتور
ابىلايحان جۇماشيەۆ
