وزبەكستاننىڭ 16 اۋدانىنىڭ باسشىسى قىزمەتىنەن بوساتىلۋى مۇمكىن
تاشكەنت. KAZINFORM - وزبەكستان پرەمەر-ءمينيسترى ابدۋللا اريپوۆ وتكەن جىلى ءبىر دە كوپقاباتتى ءۇي سالىنباعان 16 اۋداننىڭ حوكيمدەرىنىڭ لاۋازىمدارعا جارامدىلىعىن تەكسەرۋدى تاپسىردى، دەپ حابارلايدى گازەتا Uz.
وتكەن جىلى 2000 كوپقاباتتى ءۇي سالىپ، ولاردى حالىققا تاپسىرۋ جوسپارى تولىق ورىندالعان جوق، ياعني 124 ءۇيدىڭ قۇرىلىسى اياقتالماي قالدى، ال سالىنىپ بىتكەن 450 ءۇي ءالى پايدالانۋعا بەرىلگەن جوق.
بۇدان باسقا، تۇرعىن ۇيگە سۇرانىس جوعارى بولعانىمەن، 2023-جىلى 16 اۋداندا ءبىر دە كوپقاباتتى ءۇي سالىنباعان. وزبەكستان پرەزيدەنتى شاۆكات ميرزيەيەۆ بۇل اۋدانداردىڭ حوكيمدەرىن مۇنى ءتىپتى جوسپارلادى دەپ سىنعا الدى.
ول ەلدىڭ پرەمەر-ءمينيسترى ابدۋللا اريپوۆقا نوكىس (قاراقالپاقستان)، قاراۋىلبازار (بۇحارا وبلىسى)، ناۆباحور (ناۆوي وبلىسى)، كاسانساي (نامانعان وبلىسى)، نۇراباد (سامارقان وبلىسى)، التىنساي، مۋزرابات، كيزيريك، بانديحان (سۋرحانداريا)، اقالتىن، سايحۋناباد، ميرزااباد، حاۆاست (سىرداريا)، پسكەنت (تاشكەنت وبلىسى)، كۋشتەپا جانە باعداد وبلىستارى (فەرعانا وبلىسى) حوكيمدەرىنىڭ لاۋازىمدارىنا ساي كەلەتىن-كەلمەيتىنىن شەشۋدى تاپسىردى.
كەشە وزبەكستان پرەزيدەنتى شاۆكات ميرزيەيەۆ تاشكەنت قالاسى كوشەلەرىندەگى جول كەپتەلىسى پروبلەماسى بويىنشا كەڭەس وتكىزدى. وزبەكستان باسشىسى باسپا ءسوز قىزمەتىنىڭ مالىمەتىنشە، ول تاشكەنتتەگى جول قوزعالىسى ۇلكەن پروبلەماعا اينالىپ وتىرعانىن اتاپ ءوتتى.
