وزبەكستانداعى قازاقستان ەلشىسى قانداستارمەن كەزدەستى

 وندا جاس ۇرپاقتىڭ ءتول ءداستۇردى ۇمىتپاي، قازاقى قالپىن ساقتاپ وسۋىنە بار جاعداي جاسالىپ وتىر. بۇل باعىتتاعى يگى ىستەرمەن وزبەكستانداعى قازاقستان ەلشىسى بەيبىت اتامقۇلوۆ تانىستى. ديپلوماتيالىق ميسسيا جەتەكشىسى جيزاق وبلىسىنا جاساعان ساپارىن قورىتىندىلاپ، جەرگىلىكتى قوعام بەلسەندىلەرىمەن دوڭگەلەك ۇستەل وتكىزدى. جيزاقتاعى «دوستىق ءۇيى» 1996-جىلدان بەرى جۇمىس ىستەيدى. وعان قازاق، قىرعىز، تاجىك، تاتار، كورەي جانە ورىس مادەني ورتالىقتارى توپتاسقان. رەسمي مالىمەتتەر بويىنشا وڭىردە 28 مىڭنان استام قانداسىمىز تۇرادى. باسقوسۋدا بەيبىت اتامقۇلوۆ قازاقستانمەن بايلانىستى نىعايتۋ جونىندەگى باستامالاردى تالقىلاپ، قازاق مادەني ورتالىعىنا ءتول تىلىمىزدەگى ادەبيەت پەن وقۋلىقتاردى سىيعا تارتتى.

وتەپ سەيدامانوۆ، جيزاق وبلىسى قازاق مادەني ورتالىعىنىڭ ءتوراعاسى:

- بارلىعى تىنىشتىقتىڭ بەلگىسى. بىرلىك بولسا، تىرلىك بولادى. ەلىمىز تىنىش، پرەزيدەنتتەرىمىز امان بولسىن! 50 جىلدا ەل جاڭا دەيدى. وزگەرىستەر ۇلكەن بوپ جاتىر. بالالار قازاقستانعا بارىپ وقىپ جاتىر. ول جاقتان وزبەكستانعا كەپ جاتىر.

 https://24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى